MAZMUR 90:17 - KITAB NU TUMPU ALLA LELE MA'IMAI'

¹⁷ O, Tumpu mami, balakatiakon mae na kami, da anu okalaja mami iwi-iwi' ko hasinnyo ahi'.

MAZMUR 90:17 ပူးပေါင်းရင်းမြစ်များ

AYUB 22:28

Apa-apaa na anu nubau saja'mo mingkaliangan, ka' jingka monjingkaimo kantumuu'an nu beleyum.

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

MAZMUR 118:25

Okakase mami Tumpu, posalamatakon mae na kami, O, Tumpu, po'untungakon mae na kami, mahampate!

MAZMUR 27:4

Ola sa'angu' na anu ku kakase hi Tumpu, ola aiya na anu ku kahanda'i: jojoong i Laigan nu Tumpu sampe toka sidu-sidutu' de aku daagi' tutuu' da ku oa'i na kanonongan nu Tumpu, ka' mongkakase da nu pokinde'i mae nu Tumpu.

MAZMUR 50:2

Lengkat mae i Sion kota' anu ma'ima' hondo Tumpu tinokamo mae ka' binalasahayamo.

MAZMUR 68:28

Benyamin tulunan mae nu bansa anu sangkiding hondo na miannyo ia ilumajang namba momona, lantas tinuntunanmo nu to pola-polaya' nu aha Yehuda, ka' aitu mae montuntuni to pola-polaya' nu aha Zebulon tiba Naftali.

MAZMUR 80:3

Potoamo mae na kakuasa'an nu Belento hi kami, ka' tokamo mae posalamat na kami.

MAZMUR 80:7

Pinojohokmo nu Belento na to bansa-bansa anu mompaha ohani mompahantuda'akon mae tano' mami aha anu monsampobali' mae kami kinumojomo kalana sinanangmo.

AMSAL 16:3

Asanakon hi Tumpu iwi-iwi' na tanga'an nu beleyum; sahingga kohasinnyo na beleyum mokalaja.

YESAYA 26:12

O, Tumpu, Nu balakatimo mae na kami da mohumpak kantumuu'an anu ma'ima'; iwi-iwi' na anu obau mami, Belentomo na mombauakon apaa na anu opalalui mami.

1 KORINTUS 3:7

Jadi anu penting, aijo'mo Tumpu, kalana Ia na mompotumuu'. Anu monsu'an tiba anu mondudu'i madi' penting;

2 KORINTUS 3:18

Uuka aiya ohupto iwi-iwi' madi'mo kinukumbungan nu kukumbung, ka' kita monjingkakonmo lonyingkaban nu i Tumpu Yesus. Ka' kalana aijo' kita saja' obali'i susumo ia lebe pin lebe timbalimo lonyingkaban na kita. Anu mompolonyingkaban aijo' lengkat mae hi Roh, ka' Roh aijo'mo na Tumpu.

2 TESALONIKA 2:16

O amalakon hi Tumpunto Yesus Kristus ka' Tumpu Tuumanto mongindeko' ka' mompohosonakon kinyonyoa miu da komiu timbali mongkalaja ka' mompolele apaa na anu ma'ima'. Kalana Tumpu mongkalibosi kita, ka' kalana kanonongan nu kinyonyoa-Nyo, Ia nompotimbalimo kita saja' sabaan ka' montaha'imani anu ma'ima'.

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.