MAZMUR 9:6 - KITAB NU TUMPU ALLA LELE MA'IMAI'

⁶ Belento nohukumo to bansa-bansa ka' nompateimo to mia-mian anu ma'idek na kinyonyoanyo; aha kinolilimanmo sampe toka sidu-sidutu'.

MAZMUR 9:6 ပူးပေါင်းရင်းမြစ်များ

2 TOMU-TOMUNDO' 19:25

Ma'isa toho' beleyum nohongo, na iwi-iwi' aijo' tinanga'an-Kumo daagi' pe'e u'utu mae? Ka' uuka aiya kubaumo. Akumo na mombee'i kuasa' hi beleyum da mongidei iwi-iwi' na kota' anu ko bentengnyo sahingga memo tu'onyo.

AYUB 18:17

Ia madi'mo sinumbu-sumbu' i unonyo kabai i sambiha' nu kota'; mau pe' samian madi'mo ko anu nonsumbu-sumbu' sanggonyo.

MAZMUR 34:16

Tumpu mompalahatikan mian anu bala iman hondo, Nu potombihing de aha moloboo' momoita tulung.

MAZMUR 34:17

Panyo mian anu mombau palabuatan anu ma'idek na Nu ka'ideki ahi'; de aha silakamo, aha sampa okolilimi.

MAZMUR 46:9

Imbo' toa pa' apaa na anu binaumo nu Tumpu; talalo ahi' okabangangi na anu binau-Nyomo i dunia aiya!

MAZMUR 8:2

O Tumpu, Tumpu mami, kuasa nu Belento talasanggo hondo i dunia songko-songko! Talasanggo hondo na Belento nu lingkudui na kotangkasnyo nu langit

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

NOSABATMO 15:16

Aha talalomo hondo nabuhuk nonsakisi'i kabaanian nu Tumpu. Tempo'nyo mian anupinalesayamo hi Belento notulumo, sampobali' madi' noko ala nongampang; i lau-lausmo na bansa anu pinobebasmo nu Belento.

YESAYA 14:17

Te iamo aiya na anu nonohansunimo kota-kota' ka' nombali'imo dunia sahingga timbalimo tampat anu kaho bone'nyo? Te iamo aiya na anu madi' toho' nompolapas mian anu lewa' ihakopnyo kabai madi' nompobee' da aha ninsusule'mo?’

YESAYA 26:14

Aha sinilakamo ka' madi'mo po ule' tumuu', santuu'nyo madi'mo daagi' po ule' tumuu'. Kalana aha ningkotmo pinatean nu Belento ka' sinapuanmo nu Belento na sanggo nu aha da bolimo sola o, inau'.

YESAYA 37:26

Pa' ma'isa toho' nohongo na beleyum mongkona hahan aijo' iwi-iwi' te misa' polo'mo ahi' tinangka'an-Ku salatanmo pe'e naipuan mae? Ka' tempo uuka aiya Ku baumo ahi'. Akumo aiya na nombee'i beleyum kuasa da mohansunimo iwi-iwi na kota' anu ko bentengnyo sahingga hansunmo.

YEREMIA 51:25

O, Babel, beleyum sumomo ahi' bungkutnyo anu nohansunimo songko-songko na dunia. Panyo Aku, Tumpu mongewamo beleyum. Beleyum Ku hela'mo ka' Ku pobahangkangmo ka' mule' Ku pojohokmo mopapu sampe timbalimo abu'.

MIKHA 7:10

Naipuan mae sampobali' mongalu kita, aha notatae, “Iya mae na Tumpu nu belemiu aijo'?” Panyo uuka aiya aha montoamo apaa na anu nu bau Tumpu, hi kita, ka' aha ma'ambangmo. Kita monsakisamo to sampo-sampobali'to ka' opantundu'tomo ka' opahampeja'akonmo susumo hensek i jalan.

MIKHA 7:8

Madi' ko bau pikilan nu aha to sampo-sampobali'to na balame-lame' kalana kita ihansunmo. Kalana maumo ahi' kita pinatundu'mo, panyo kita po ule' ahi' tootinjo. Uuka aiya kita i unomo nu pikat panyo Tumpu na monjingkai mae kita.

1 KORINTUS 15:26

Sampo bali' anu imihinyo opotundu' aijo'mo kapatean.

ANU PINOTO'I HI YOHANES 20:2

Lantas ia nohakop ulo anu daka' hondo aijo', ulo aijo' pininmo hondo – aijo'mo Ibilis kabai Roh anu Ma'idek aijo' – ka' nompungumo ia samadala na taun na kopinnyo.

1 SAMUEL 30:1

Inguansinaamo na i Daud tiba to sulu-suludadunyo tinokaje i kota' Ziklag. Salatan tinokamo ikiijo' tinokan nu aha mian nu Amalek nontumbuhimo mae sasu salatan lipu' nu aha Yehuda ka' nontumbuhimo mule' Ziklag. Madi' ko anu pinatean nu aha mau ola samian. Panyo pinapuanmo nu aha na kota' aijo' sampe noangot, lantas aha lau-lausmo namba ka' nomboamo to bou-boune, to ana-anak ka' mian sangga'at. Aha mule' nohakopmo bengkele' i Daud ua-ua aha i Ahinoam tiba i Abigail, tiba to ana-anaknyo ka' suele bengkele' tiba to ana-anak nu suludadunyo. I Daud tiba to sulu-suludadunyo sinusa'mo hondo, sahingga aha lewa'mo nohaangi ka' luusmo hondo na butong nu aha.

1 SAMUEL 31:7

Salatan aha mian nu Israel haha aijo' anu jojoong i santoa nu Bangka'nyo Yizreel tiba anu i sasu kabete'an Kaunyo nu Yordan nohongomo taalu' suludadu nu Israel nopalaimo ka' taalu i Saul tiba to ana-anaknyo anu toto momo'ane sinilakamo, aha nopalaimo nompala'imo kota' nu aha haha aijo'. Lantas jinojoonganmo nu aha mian Filistin na kota' haha aijo'.