MAZMUR 9:20 - KITAB NU TUMPU ALLA LELE MA'IMAI'

²⁰ Tinjomo mae, Tumpu, putusimo mae na to bansa-bansa, bolimo mompojohok manusia saja'mo buulon na butongnyo.

MAZMUR 9:20 ပူးပေါင်းရင်းမြစ်များ

2 TAWARIKH 14:10

Sahingga nambamo na i Asa nongahopi i Zerah, ka' ua'aha aijo' bubu'mo nongatun suludadu nu aha i Bangka'nyo nu Zefata koko Meresa.

MAZMUR 3:8

Posalamatakon mae na aku, o Tumpu-ngku, hukumakon ka' pengko'iakon na aha iwi-iwi' anu mongewa mae aku.

MAZMUR 62:9

O, bansaku, sabole-boleh Tumpu na bau kataha'imanan sansina-sinaa; bee'mo iwi-iwi' naisi nu kinyonyoa nu belemiu hi Ia, kalana olamo hi Ia na tampat pihohungan.

MAZMUR 76:12

Ganapimo na anu jinanji'mo hi beleyum hi Tumpu nu beleyum. Tionyo ahi' iwi-iwi' na bansa anu ohani na kajojoongannyo momboamo palasombahannyo hi Tumpu anu okabuhuk.

NOSABATMO 15:16

Aha talalomo hondo nabuhuk nonsakisi'i kabaanian nu Tumpu. Tempo'nyo mian anupinalesayamo hi Belento notulumo, sampobali' madi' noko ala nongampang; i lau-lausmo na bansa anu pinobebasmo nu Belento.

NOSABATMO 23:27

To bansa-bansa anu otokai nu belemiu Ku potimbalije da aha mabuhuk hi beleng-Ku; Ku pogago'je na aha, iwi-iwi' na sampobali' nu belemiu minsusule'mo ka' mopadeka'mo.

YESAYA 31:3

Aha mian nu Mesir ola mian misa' Tumpu. Ajahan nu aha ola binatang biasa, misa' sumo pikilan nu Tumpu. De Tumpu mombaumo anu nu bau bansa, anu nontulungimo aijo' tosumpunmo ka' mule' bansa anu nu tulungi aijo' tondahapamo. Sahingga aha ohu-ohua' aijo' silakamo.

YEREMIA 32:40

Aku mombaumo palajanjian anu sampe toka sidu-sidutu' hi aha. Aku madi' toho' belenti na mombau palabuatan ma'ima' hi aha. Ku pojadimo na aha da mabuhuk ka' moholomati mae Aku nu kinyonyoa anu totu-totu'u ahi' da aha madi'mo matikojo'on hi Belengku.

YEHEZKIEL 28:2

“O manusia anu madi' tumuu' batu, poto'i hi tomundo' Tirus apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia. ‘Kinobubuunmo na beleyum monsangka butong nu beleyum te pilogot anu jojoong i totonga' nu ambai. Timbali na beleyum mimbalu-balu susumo pilogot panyo jaga beleyum ola ahi' manusia biasa.

YEHEZKIEL 28:9

Jadi de tokamo na tempo'nyo aijo' daagi' moko ala na beleyum montaloakon tukooyum beleyum Tumpu? I ahop nu aha anu nompateimo beleyum atina'je ka' nyata' taalu' beleyum ola ahi' manusia biasa.

YEHEZKIEL 30:13

Tumpu Anu Matangkas na Kuasanyo notatae, “Ku hansunimo na kapalesaya'an anu madi' totu'u tiba to pilo-pilogot anu kiijo' i Memfis. Madi'mo daagi' ko tomundo'nyo kiijo' Mesir. Iwi-iwi' na mian anu jojoong ikiijo' Ku pojadimo mabuhuk.

PO'ULE' INGULIT 2:25

Otampu'uni i sinaa aiya Ku potimbalimo na to bansa-bansa da mongkabuhukmo belemiu, maumo pa' iya mae. Toto samian nulakatmo kalana mabuhukmo de mohongomo belemiu.’ ”