MAZMUR 9:19 - KITAB NU TUMPU ALLA LELE MA'IMAI'

¹⁹ Madi' sampe tokamo sidu-sidutu' na mian anu kasiasi okolilimi; mian anu sansala madi' ahi' saja'mo, madi'mo ko anu nu taha'imani.

MAZMUR 9:19 ပူးပေါင်းရင်းမြစ်များ

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

2 TAWARIKH 14:11

Lantas i Asa binalado'amo hi Tumpu Allah-nyo, “O Tumpu, olamo belento na timbali montulungi mian anu madi' mahoson mongewa anu mahoson. Tulungi mae na kami uuka aiya, O Tumpu Allah mami! Samata-mata olamo hi belento na patisehan mami, ka' hi sanggo nu Belento na kami nambamo mahampate mongewa gombuan nu suludadu anu manjoo' hondo aiya. O Tumpu belentomo na Tumpu Allah mami. Boli opobee' na butong nu Belento nu patundu'mo nu samian na manusia.”

MAZMUR 10:12

Tinjomo mae, o Tumpu bee'imo hukuman na mian anu ma'idek na kinyonyoanyo. Inau'akon na mian anu binee'anmo kasansala'an!

MAZMUR 149:7

bau pombalosi to bansa-bansa, ka' pohukum tulunan nu to bansa-bansa;

MAZMUR 3:7

Aku madi' mabuhuk maumo momada-madala' na anu mongewa mae anu montikumo mae aku lengkat mae iyaya.

MAZMUR 44:23

Kalana Belento kami saja'mo opopobuhuk mae nu kapatean, ka' opojadimo susumo domba anu okolotmo.

MAZMUR 44:26

kami nohintutumo nanabu' itano' natibandangmo i abu' kalana kinalamo.

MAZMUR 7:6

pojohokmo da aku ololoi' ka' nu hakop nu anu monsampobali' mae, lantas nu pateimo ka' nu pojohokmo aijo' i tano'.

MAZMUR 79:6

Baumo totu-totu'u, na Belento motambuha' hi to bansa-bansa anu madi' monsumbu'i Belento ka' hi aha to kala-kalaja'an anu madi' monsombah Belento.

MAZMUR 80:2

O, Polaya' nu Israel, potombihingakon mae, Belento na nolaya'mo lee' i Yusuf susumo potu'on, sanggombu. Belento na anu sinumuhangmo aita' i malaekat, tinokamo mae, na'ima'mo hondo na tinoa, hi ahop i Efraim, Benyamin tiba hi Manasye.

YESAYA 51:9

Tinjomo mae o, Tumpu, ka' tulungi mae na kami, posalamatakon mae na kami nu kuasa nu Belento, Tinjomo mae susumo naipuan mae tempo'nyo Belento nompohintutumo i Rahab ka' nonjalo'mo ulo daka-daka' nu ambai aijo' sampe inate.

YEREMIA 10:25

Potudunje na kapusan nu Belento hi aha to bansa-bansa anu madi' mongakui Belento ka' madi' monsombah Belento. Kalana aha nonsilakaimo mian anu palesayamo hi Belento ingko-ingkot ka' mule nohansunimo lipu' mami.

YOËL 3:12

Tumpu poule' mule' notatae, “To bansa-bansa posadiamo ka' lako'mo i Bangka'nyo nu Pomputusian. Ikiijo' mae Aku Tumpu momputusimo to bansa-bansa anu mompaha ohani mian-Ku anu palesayamo.

ZEFANYA 3:8

Panyo jaga mae! Tanda'imo na sinaanyo. Aku tuminjomo susumo anu mongkalak. Kalana pinutusan-Kumo da oposihukmo na to bansa-bansa tiba to kala-kalaja'an da Ku pokonamo na tambuha'-Ku hi aha. Songko-songko na dunia mingkotmo nu kaan nu apu nu tambuha'-Ku.

ZAKHARIA 14:18

Ka' de mian nu aha Mesir madi' mongka'oho' molame'akon Lamean Tahop o, o, atopi nu Hon nu kau' saba' aha suelemo ahi' nu kona nu panyakit anu nu potoka mae nu Tumpu hi aha to bansa-bansa anu madi' mongka'oho' mamba monsombah Tumpu.

ANU PINOTO'I HI YOHANES 19:15

Lengkat mae i nganga'nyo nosabatmo samata na bajak anu matajom, ka' tiba bajaknyo aijo' nu hungku'ije saidi' mae na to bansa-bansa, ka' nu palentahje saidi' mae na aha nu tokon-Nyo besak. Ia mompao'je anggur i uno nu tampat pompao'an anggur tambuha' nu Tumpu Anu Matangkas na kuasanyo.

1 SAMUEL 2:9

Mian anu tulu-tulutan madi' ko anu mompoposia, Tumpu na monjagai. Panyo mian anu mombau anu ma'idek opatei iwi-iwi' i uno nu pintung ka' pikat hondo. Posi kahosonan madi' otaha imani, kahosonan nu mian madi' mombee'i ka'untungan mahampate.