MAZMUR 9:1 - KITAB NU TUMPU ALLA LELE MA'IMAI'

¹ Anu mongkapalai panyanyi. Lagunyo ingala i lagu nu Mut-Laben. Mazmur i Daud.

MAZMUR 9:1 ပူးပေါင်းရင်းမြစ်များ

1 TAWARIKH 16:12

O lee' i Yakub posaihon nu Tumpu Allah! O lee' nu aha Israel, mian anu pinile'an-Nyomo! Boli okolilimi iwi-iwi' apaa na anu okabangangi anu binaunyomo, boli okolilimi iwi-iwi' apaa na anu tinantukan-Nyomo.

1 TAWARIKH 16:24

Sisikakon na katalasanggoan-Nyo hi to bansa-bansa, ka' iwi-iwi' na anu binau-Nyomo anu baani hondo hi manusia.

MAZMUR 106:2

Ihe na moko ala mombebakon kabaanian nu Tumpu, ka' anu konanyomo ahi' na bau pompuji' ia?

MAZMUR 111:1

O puji' na Tumpu! Totu-totu'u na kinyonyoangku montalima kaseh hi Tumpu hau-haunyo kiijo' hi aha mian anu palesayamo hi Ia anu binalagombumo.

MAZMUR 138:1

Lengkat hi Daud. O, Tumpu, aku montalima kasemo hi Belento, lengkat i kinyonyoangku totu-totu'u. I ahop nu iwi-iwi na to pilo-pilogot aku monyanyimo bau pompuji' Belento.

MAZMUR 26:7

Ka monyanyi nyanyian anu bau pontalima kaseh, ka' mombebakon apaa na anu binaumo nu Belento, anu talalo hondo okabangangi.

MAZMUR 51:15

Sahingga ku ajanakonmo na palentah nu Belento hi mian anu baladosa', da aha po ule'mo minsusule' hi Belento.

MAZMUR 7:17

Jadi posi kalakuannyomo ma'i-ma'idek aijo' na nohukum ia ka' ia sinakisamo nu posi kasinggiannyo.

MAZMUR 86:12

Aku montalima kase hi Belento, totu-totu'u hondo na kinyonyoangku, o, Tumpungku; aku mompuji'mo kakuasa'an nu Belento sampe toka sidu-sidutu'.

MAZMUR 9:14

Toa mae, na sampobali'ku monsansalamo aku; kalibosiakon mae na aku, o Tumpu, po'uhanakon mae na aku da boli silaka,

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 43:21

Ahamo na bansa anu pinojading-Kumo da mombau anu Ku palentahkon, da timbali mombebakon anu bau pompuji' Aku.”

YESAYA 60:6

Lipu' nu belemiu nu sihukimo nu unta manjoo' hondo aha nolengkat mae i Midian ka' Efa. Mian momboa ame mosoni' tiba kamangian lengkat mae i Syeba, lantas mompuji'mo palabuatan nu Tumpu.

LUKAS 10:27

Mian aijo' nontaami, “ ‘Kalibosi na Tumpu-Um nu kinyonyoaum iwi-iwi', ka' totu-totu'u na santuu'um, ka' kahosonanum, tiba iwi-iwi' na kapandeanum,’ tiba ‘Kalibosi na sangko kita mian, sumo beleyum mongkalibosi posi butongum.’ ”

IBRANI 13:15

Kalana aijo', binuka'mo i Yesus na jalan sahingga kita saja'mo ahi' mompuji-puji' Tumpu; aijo' salakumo koloban pontalima kasento hi Ia, anu osombahkonto otaloakon nu biwi bau pompopodaka' sanggo-Nyo.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!