MAZMUR 89:8 - KITAB NU TUMPU ALLA LELE MA'IMAI'

⁸ Belento oholomati nu aha to mia-mian anu susi', nakabuhuk hondo nu aha iwi-iwi' anu montikubi mae Belento.

MAZMUR 89:8 ပူးပေါင်းရင်းမြစ်များ

NEHEMIA 1:5

“O Tumpu Allah anu daka' na kuasanyo kiita' i Suluga'. Belento Tumpu Allah anu Daka' na kuasa nu belento, ka' kami mangadap hi belento mabuhuk hondo. Belento sabole-bole monginau' kami ka' saja' sabole-bole montoongi apaa na anu jinanji'mo nu Belento hi mian anu mongka'ima'i belento ka' sabole-bole montuluti palentah nu Belento.

AYUB 37:22

Jingka susumo mosoni' ilubatmo mae sasu utara, ka' katalasanggoan nu Tumpu Allah nompobangangmo kinyonyoanto.

AYUB 9:19

Pa' ku ewamo o da mahanjagunmo tiba Ia? Panyo soba toa, talalo ahi' Ia mahoson! De bisuannyo Ia ku tuntut na kasala'an-Nyo, ihe na baani molaga Ia da mamba hi mian kopian?

MAZMUR 147:5

Daka' hondo na kuasa ka' opalias hondo na Tumpunto, kapandean-Nyo talalo hondo manjoo'.

MAZMUR 24:8

Ihe na Tomundo' anu talasanggo aijo'? Aijo'mo Tumpu anu baani hondo: Tumpu anu mongkuasai iwi-iwi' anu saja' mohumpak ka'untungan de mahampate.

MAZMUR 35:10

Sahondo-hondonyo na kinyonyoangku montaloakon, “Tumpu, Belento madi' koanu timbali pompokakanakonan! Belento nompobebasmo anu madi' mahoson da madi'mo nu kuasai nu anu mahoson, Anu kasiasi ka' sansala da madi'mo sola' obee' kasansala'an.”

MAZMUR 71:19

O Tumpu, ka'adilan nu Belento matangkas hondo sumo langit; daka' hondo na hahan anu binaumo nu Belento; ihe na moko ala mompokakanai Belento?

MAZMUR 84:12

Kalana Tumpu na monjagai kita ka' tomundo' anu talasanggo hondo, anu mongkalibosimo mae kita ka' i hangkatnyomo na sanggonto. Ia saja' montalima maumo pa'apaa asan anu ma'ima' na opoita kona hi mian anu kantumuu'annyo madi' ko anu ma'idek.

MAZMUR 89:13

Belentomo na nompotimbali utara ka' selatan, Bungkutnyo nu Tabot ka' Hermon nontaligalaimo Belento.

MAZMUR 89:6

Sidang nu aha mian nu suluga' nompuji'mo palabuatan nu Belento anu okabangangi, ka' nonyanyiakonmo kanonongan nu Belento o, Tumpu.

YESAYA 28:22

Aku nohongomo kaputusan nu Tumpu Anu Matangkas na Kuasanyo ka' mule' Anu Daka' na Kuasanyo monsilakaimo iwi-iwi' na lipu'. Boli mompisala'i potatae anu bau pompo'ingat, anu pinotokangkumo aiya. Dumo lebe momposusa' mule' belemiu koko kahanda'mo momposalamat butong nu belemiu!

YEREMIA 32:17

“Tumpu Anu Matangkas na Kuasanyo, Belentomo na anu nompotimbalimo langit tiba tano' nu kuasa tiba kamampuan nu Belento anu daka' hondo. Madi' ko anu madi' nu poko ala Nu bau.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

PO'ULE' INGULIT 32:31

Sampobali' nu aha Israel nonsumbu'mo taalu' anu monjagai aha madi' susumo Tumpu Allah anu monjagai Israel.

PO'ULE' INGULIT 7:21

Jadi boli mabuhuk hi bansa haha aijo'. Tumpu Allah nu belemiu na monjagai belemiu. Ia Tumpu Allah anu talasanggo ka' okabuhuk.

YOSUA 22:22

“Anu Daka' na kuasanyo aijo'mo Tumpu! Nu sumbu' kadaka' kami nombaumo sumo aiya, da belemiu suele monsumbu' apaa na anu okahanda'i mami! De kami mombau anu sumo aijo' ko kahanda' madi'mo mohongo-hongo Tumpu, kabai kalana kami madi'mo palesaya hi Ia, bakasmo da kami silakamo uuka aiya!

1 SAMUEL 15:19

Kadaka' belento Tomundo' madi' nontuluti palentah nu Tumpu? Kadaka' belento Tomundo' binilahimo na nongala to langke-langke anu pinahuhuakon, ka'kalana aijo' belento Tomundo' nomposakitmo kinyonyoa nu Tumpu?”.

1 SAMUEL 2:2

Madi' koanu susi' susumo Tumpu! Ola Ia na moko ala monjagai mae.