MAZMUR 89:41 - KITAB NU TUMPU ALLA LELE MA'IMAI'

⁴¹ I hobo'akonmo nu Belento na pagan mesen iwi-iwi' i kota' kajojoongannyo, bentengnyo iwi-iwi' i hobo'akonmo nu Belento.

MAZMUR 89:41 ပူးပေါင်းရင်းမြစ်များ

NEHEMIA 5:9

Lantas po'ule'mo aku notatae, “Apaa na anu binaumo nu belemiu aijo' madi' ma'ima'! Ola ahi' sabenannyo belemiu tumuu' mabuhuk hi Tumpu Allah. Tiba jalan anu sumo aijo' sampobali'to anu madi' palesaya hi Tumpu aijo' madi' obee'i nu belemiu kasampatan mompopo'ambang kita.

MAZMUR 74:10

Hipianje na belenti, O, Tumpu, na anu monsampobali' mae belentimo madi'mo mongkokojoi Belento? Pa' sampemo toka sidu-sidutu' na aha mongalu sanggo nu Belento?

MAZMUR 79:4

Kami tinimbalimo han anu lewa' o aluu ka' okokojoi nu to bansa-bansa anu mompaha ohani, aha lewa' mongkokojoi ka' mongalu kami.

MAZMUR 80:13

O, Tumpu, kadaka' tinua'akonmo nu Belento na balabatnyo, sahingga de ko mian anu motulu montipumo bua'nyo?

YESAYA 10:6

Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

YESAYA 5:5

Sumo uuka na Aku mombau ale' nu anggur-Ku aijo'. Balabat anu montikubi mae aijo' Ku gautakonmo, pagan mesen anu montingki'i mae Ku hobo'akonmo, lantas Ku pokilayamo da nu ideimo nu binatang anu mahangas ka' lewa' mompahampeja'akon.

YEREMIA 24:9

Ku silakaimo totu-totu'u na aha sahingga iwi-iwi' na bansa isongko-songko na dunia mabuhukmo. Maumo iya mae na pombee'an-Ku, aha tataap sola' oletakon ka' opojadimo anu sola' okokojoi ka' o'alu. Sanggo nu aha opakemo salaku bau pongkutuki mian.

YEREMIA 29:18

Aha Ku pototumputimo nu pahampatean, kasusa'an i anu okaan, tiba panyakit anu molele, sahingga songko-songko na bansa idunia aiya anu montoa aha mabuhukmo na montoa kantumuu'an nu aha. Maumo pa' iyaya mae na pongga'a-ga'atakonan-Ku aha mian mabuhukmo, ka' meatmo na montoa apaa na anu jinadimo aijo' hi aha. Aha sola'mo okokojoi ka' mule' sanggo nu aha opakemo salaku bau lewa' pongkutuki.

YEREMIA 42:18

Susumo Aku, Tumpu Allah Israel nompobuntumo tambuha'-Ku ka' pusang-Ku hi aha mian anu jojoong i Yerusalem sumo aijo'mo na Aku mompobuntu tambuha'-Ku kona hi belemiu anu mambamo i Mesir. Mian saidi' mae mabuhukmo na montoa belemiu; belemiu sola'mo o'alu, ka' sanggo nu belemiu lewa'mo opake' salaku bau pontotobi'akon. Belemiu madi'mo daagi' po ule' montoa lipu' nu belemiu aiya.”

YEREMIA 44:12

Ka' de maluanyo aha mian nu Yehuda anu daagi' tinontuha' suele ko kahanda' mamba i Mesir, da jojoongmo kiijo' mae, saba' aha suele silakamo ahi' iwi-iwi'. Aha iwi-iwi' anu tu'amo kabai anu daagi' anak silakamo i Mesir i uno nu pahampatean, kabai kalana kasusa'anmo i anu okaan. Mian timbalimo mabuhuk na montoa kantumuu'an nu aha ka' lewa'mo mongalu aha. Sanggo nu aha lewa'mo opake salaku bau pongkutuki.

YEREMIA 44:8

Kadaka' belemiu nombaumo hahan anu monsabapimo Aku motambuha'? Belemiu tinokamo i Mesir ka' jinojoongmo, ilipu' anu ma'isa osumbu-sumbu' nu belemiu aijo' lantas belemiu monsombahmo pilogot ka' monsombahkonmo koloban hi to pilo-pilogot nu lipu' aijo'! Te belemiu kahanda'mo mohansuni posi butong nu belemiu da belemiu nu alumo nu bansa iwi-iwi' idunia aiya ka' mule' sanggo nu belemiu lewa'mo opake salaku bau pontotobi'akon?

YEREMIA 50:17

Tumpu notatae, “Mian nu Israel sumo sanggombu na domba anu iloloi'mo ka' pinosungkehetmo nu singa. Momonanyo aha tinumbuhanmo itomundo' Asyur, lantas mule' i Nebukadnezar tomundo' nu Babel nonggulugudi'mo buku nu aha.

MOHAANGI 2:5

Tumpu tinimbalimo susumo sampobali'; Ia nontintipmo Israel sampe nahungku'mo Ia nohansunimo iwi-iwi' na benteng tiba laigan nu tomundo' ka' nompojoongmo mian anu sinilaka hi aha anu jojoong i Yehuda.

MOHAANGI 5:1

Inau' pe'e mae, o Tumpu, apaa na anu jinadimo aiya hi kami. Toa mae na kami, ka' tonto'i mae na kahina'an mami.

DANIEL 9:16

Belento nontulungimo mae kami tempo'nyo naipuan mae, kalana aijo' bolimo daagi' otambuha'i na Yerusalem kota' nu Belento, puge'nyo nu Belento anu susi'. Kalana dosa' mami tiba palabuatan anu ma'idek nu mompolee' mami sahingga iwi-iwi' na mian anu aitu mae mompaha ohani tiba kami montoa Yerusalem madi'mo ko angga'nyo ka' mule' kona hi aha mian anu palesayamo hi Belento.

PO'ULE' INGULIT 28:37

Iyaya mae na lipu' pinongga'a-ga'atakonan nu Tumpu belemiu, to mia-miannyo mabuhukmo na montoa belemiu; belemiu lewa'mo o'aluu ka' nukokojoi nu aha.