MAZMUR 89:3 - KITAB NU TUMPU ALLA LELE MA'IMAI'

³ Kalana ku sumbu' na kalibosan nu Belento sampe toka sidu-sidutu', kanonongan nu Belento mahoson hondo susumo langit.

MAZMUR 89:3 ပူးပေါင်းရင်းမြစ်များ

2 SAMUEL 23:5

Sumo aijo'mo na lee'ku anu nu balakatimo nu Tumpu Allah, Palajanjian-Nyo hi belengku madi'mo mongabali' anu jinanji'-Nyomo aijo sampe toka sidu-sidutu' ka' madi'mo ko anu kulangnyo iwi-iwi' ta atun hondo. Tumpu Allah na montantukan ka untunganku mahampate ka' mombee'mae iwi-iwi' apaa na anu nu kahanda'i nu kinyonyoangku.

2 SAMUEL 3:9

Sahanyo i Daudmo na kutulungi, pakalaus mule' jinanji'mo nu Tumpu hi ia na da'erah anu nu palentah i Saul aiya obee'mo hi Daud, ka'lee' i Saul madi'mo timbali ohangkat bau tomundo', jadi i Daudmo ahi' na bau tomundo' montomundo'i Israel tiba Yehuda songko-songko. Tumpu Allah na mompatei aku de madi' kubau na palajanjian nu Tumpu Allah hi Daud aijo'.”

MAZMUR 132:11

Tumpu binasumpa'mo hi Daud; Ia madi'mo mompojalo anu jinanji'-Nyomo. Ia notatae, “Samian na anak nu beleyum Ku potimbalimo tomundo', da mompalentah mombolosakon beleyum.

MAZMUR 78:70

Ia nompile'imo i Daud posaihon-Nyo, ka' nongalamo ia aijo' mae i gombuan nu potu'on,

MAZMUR 89:19

Kalana anu nonjagai mae kami aijo'mo mian anu pinile'anmo mae nu Belento, o, Tumpu; tomundo' mami Belento Tumpu Israel na tumpunyo anu Susi'.

MAZMUR 89:28

Ku potimbalimo na ia ana-Ku mo'ane anu tumpenyo, anu talalo hondo talasanggo hi aha to tomu-tomundo' iwi-iwi'.

MAZMUR 89:39

Panyo uuka aiya Belento nontambuha'imo i tomundo, Belento nompojohokmo ka' madi'mo nongkali-kalinga mian anu pinile'anmo nu Belento.

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

YEREMIA 30:9

Belemiu palesayamo hi beleng-Ku, Tumpu Allah nu belemiu ka' hi samian te lee' mae i Daud anu Ku hangkatmo bau tomundo'.

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

SISIKON NU TO RASUL-RASUL 2:30

Tumpu noko bajanji'mo hi Daud, tiba sumpa', saba' sala' samian lengkat i lee'nyo ohangkatje nu Tumpu timbali tomundo. Kalana i Daud monsumbu' janji' aijo', ka' kalana ia suele nabi,

IBRANI 7:21

Panyo i Yesus i hangkat binau imam sinumpa', tempo'nyo Tumpu notataemo hi Ia, “Tumpu binasumpa'mo, ka' Ia madi' mongabali' na kahanda'-Nyo, ‘Beleyum atina'mo na imam sampe toka sidu-sidutu'.’ ”

TO MIA-MIAN KOPIAN 2:1

Malaekat nu Tumpu namba lengkat mae i Gilgal nokiijo' i Bokhim ka' notatae hi aha mian nu Israel, “Aku nonsabatakonmo belemiu lengkat mae i Mesir, ka' nomboamo mae belemiu i lipu' anu jinanji'-Kumo hi mompolee' nu belemiu. Ka' pinoto'ing-Kumo, 'Anu jinanji'-Kumo hi belemiu madi'mo Ku lapasakon.