MAZMUR 89:14 - KITAB NU TUMPU ALLA LELE MA'IMAI'

¹⁴ Talalo hondo daka' na kuasa nu Belento ka' talalo hondo daka' na kahosonan nu Belento!

MAZMUR 89:14 ပူးပေါင်းရင်းမြစ်များ

NEHEMIA 1:10

O Tumpu, kami aiya to posa-posaihon nu Belento, mian anu pinalesayamo hi belento anu pinosalamatmo nu Belento nu kuasa ka' kahosonan nu Belento anu daka' hondo.

MAZMUR 145:17

Tumpu adin hondo i han iwi-iwi' apaa na anu Nu bau ka' talalo hondo nu kalibosi apaa na anu binau-Nyomo.

MAZMUR 85:13

Tumpu mombee'imo mae anu ma'ima', sahingga tano' to mombee'imo hasinnyo.

MAZMUR 89:2

Kalibosan nu Belento, o, Tumpu, saja'mo ku nyanyiakon, kanonongan nu Belento saja'mo ku bebakon sampe molundu-lundu na tulunan.

MAZMUR 97:2

Ia tinikubanmo nu kundom ka' kapintungan; ka'adilan ka' atulan aijo'mo na bau katinjoan nu kapalentahan-Nyo.

MAZMUR 98:1

Mazmur. Nyanyiakonmo hi Tumpu na nyanyian anu sala'je ingajan, kalana apa-apaa na anu binau-Nyomo talalo ahi' okabangangi! Ola samata-mata kakuasa'an ka' posi kahosonan-Nyo. Ia nohumpakmo ka'untungan na, nahampate.

MAZMUR 99:4

Kakuasa'an olamo samata-mata hi Belento, Tomundo' anu mongka'ima'i atulan; Belento montoongimo atulan anu totu'u, Belento mompojalanmo atulan tiba ka'adilan hi aha Israel.

NOSABATMO 13:3

I Musa notataemo hi bansa Israel, “Sinaa aiya Tumpu anu Daka' hondo na kuasa-Nyo nompobebasmo belemiu, sahingga belemiu timbalimo nosabat nompala'i lipu' nu Mesir, tampat belemiu binotuanan. Kalana aijo' lame'akon na sinaa aiya. Boli mongkaan roti anu ko raginyo.

NOSABATMO 15:16

Aha talalomo hondo nabuhuk nonsakisi'i kabaanian nu Tumpu. Tempo'nyo mian anupinalesayamo hi Belento notulumo, sampobali' madi' noko ala nongampang; i lau-lausmo na bansa anu pinobebasmo nu Belento.

NOSABATMO 15:6

O Tumpu, kahosonan nu Belento talalo hondo okabangangi, binaumo nu Belento na anu monsampobali' nosungke-sungkehetmo.

AMSAL 16:12

Hi aha anu balakuasa de mombau anu ma'idek aijo' han anu madi' ma'ima'; kalana pamalentahannyo mahoson aijo' kalana ka'adilan.

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!