MAZMUR 88:12 - KITAB NU TUMPU ALLA LELE MA'IMAI'

¹² Te toho' mule' kalibosan nu Belento opolele i uno nu kubulan, ka' mule' kanonongan nu Belento i tampat kasilakan?

MAZMUR 88:12 ပူးပေါင်းရင်းမြစ်များ

MAZMUR 143:3

Anu monsampobali' mae aku nololoi'mo mae ka' nompatundu'mo aku, ka' nontuamo aku i uno nu talungku' anu pintung: aku timbalimo susumo mian anu pininmo na sinilaka.

MAZMUR 31:12

Aku ihakopmo ka' binoamo nu aha iwi-iwi' anu monsampobali' mae aku, pakalaus mule' ahi' hi aha anu mompaha ohani na laigan tiba aku. Iwi-iwi' na anu mompahasumbu' tiba aku tinolokengkengmo na montoa aku, aha mopalaimo de singkabot tiba aku ijalan.

MAZMUR 88:5

Aku sumomo mian anu mintatau'mo mokaiyong i bolo' nu kubun, mian anu ningkotmo na kahosonan.

ANU MOMPOLELE POTATAE NU TUMPU 2:16

Mian anu ponga' malia' okolilimi panyo mian anu ko kapandean bapikin suele madi'mo o ‘inau'’. Mamanga ahi' kita iwi-iwi' okolilimimo i uno nu pikilannyo. Kita iwi-iwi' tionyo ahi' mate mau mian anu pande mau mian anu ponga'.

ANU MOMPOLELE POTATAE NU TUMPU 8:10

Toho' mule' tinoangku na mian anu ma'idek na palabuatannyo sinilaka ka' ilamun. Panyo salatan mian ninsusule'mo lengkat mae i pinolamunan aha nompuji'mo ia i kota' tampat anu pinombauannyo han anu ma'idek. Jadi aijo' mule' madi' ko gunanyo.

ANU MOMPOLELE POTATAE NU TUMPU 9:5

Madi' ko madi'nyo nu sumbu' nu mian anu daagi tutuu' na ukunnyo montanda'imo ia; sadangkan mian anu sinilakamo na madi'mo ahi' ko anu nu sumbu-sumbu'. Hi ia madi' ko tamboonyo kabai ko palasennyo; ka' sanggonyo mule' okolilimimo.

YESAYA 8:22

kabai mokaiyong madi' ko apa-apaa na anu nu toa nu aha ola ahi' samata-mata kasansala'an ka' kapintungan ka' mule' kasusa'an na tina'up. Aha saidi' mae olumbu'akonmo i tampat pintu-pintung aijo'.

MATIUS 8:12

Padahan to mia-mian anu sabenannyo timbali mian anu palesayamo hi Tumpu, o alin i kapintungan anu i sambiha'nyo. I kiijo' aha humaang ka' mongoa'i sansala.”

YUDAS 1:13

Pokakana sumo bokon anu mabohos hondo i ambai sinumelembua'mo sumo aitu mule' na anu nubau nu aha sinumelembua'mo na anu moko ambang. Aha sumomo to manda-mandala' anu madi' tataap na kajojoongannyo ka' anu tinoukanmo na tampat nu Tumpu i uno nu kapintungan anu talalo okabuhuk sampe toka sidu-sidutu'.