MAZMUR 87:4 - KITAB NU TUMPU ALLA LELE MA'IMAI'

⁴ “Mesir tiba Babel Ku posoopmo i daputan nu to bansa-bansa anu tulu-tulutan hi Belenku. Ka' mule' Filistea, Tirus tiba Sudan ninsoopmo i lekengan nu mian anu jojoong i Yerusalem.”

MAZMUR 87:4 ပူးပေါင်းရင်းမြစ်များ

AYUB 9:13

Tumpu Allah madi' mongintim pusanyo ka' ka'idekan nu kinyonyoanyo; anu lewa' montulungi i Rahab tinumpu nu ambai suele mohongo-hongo palentahnyo.

MAZMUR 137:1

I sonibi nu kaunyo anu kiijo' i Babel kami sumuhangmo ka' lewa'mo humang de monginau'mo Sion.

MAZMUR 45:12

Handanyo nu beleyum nomposanangmo kinyonyoa i tomundo', ia tuan nu beleyum, hongo-hongo na ia.

MAZMUR 68:31

O, segai na Mesir, binatang anu mahangas aijo' i uno nu biho'. Pokinde'i na to bansa-bansa, sapi' sanggombu haha aijo' tiba to ana-anaknyo, anu ola lewa' mompahampeja'akon sa'angu' ka' sa'angu' da mohumpak salaka. Tumpu nomposung kehetmo ka' nongga'at-ga'atmo iwi-iwi' na bansa anu mongka'ima'i mahampate.

MAZMUR 89:10

Belento mongkuasai ambai anu daka' hondo na bokonnyo, ka' nompobelentimo bokonnyo anu okabuhuk hondo.

YESAYA 19:11

Memang pikok ahi' na to pola-polaya' nu kota' Zoan! Aha mian nu Mesir anu pande hondo nombee'imo pokinde' anu madi' totu'u! Baani hondo na aha motatae hi tomundo' tukoonyo aha lee' mae nu to tomu-tomundo' tempo'nyo nai puan mae!

YESAYA 51:9

Tinjomo mae o, Tumpu, ka' tulungi mae na kami, posalamatakon mae na kami nu kuasa nu Belento, Tinjomo mae susumo naipuan mae tempo'nyo Belento nompohintutumo i Rahab ka' nonjalo'mo ulo daka-daka' nu ambai aijo' sampe inate.

YEREMIA 25:9

‘Ku lagamo mae na bansa iwi-iwi' anu lengkat mae isasu utara, tiba suele i Nebukadnezar posaihon-Ku tomundo' nu aha Babel. Aha Ku palentahmo da mompahampateakonmo mongewa Yehuda tiba anu jojoong kiijo' ka' mule' sinin na bansa anu mompaha ohani. Bansa Yehuda tibamo bansa-bansa sangga'at anu mompaha ohani Ku silakaimo ka' mule' Ku pojohokmo da hansunmo sampe toka sidu-sidutu'. To mia-mian anu montoa ia tolokengkengmo ka' mule' mabuhukmo. Aku, Tumpu notataemo.

YEHEZKIEL 28:2

“O manusia anu madi' tumuu' batu, poto'i hi tomundo' Tirus apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia. ‘Kinobubuunmo na beleyum monsangka butong nu beleyum te pilogot anu jojoong i totonga' nu ambai. Timbali na beleyum mimbalu-balu susumo pilogot panyo jaga beleyum ola ahi' manusia biasa.

DANIEL 4:30

aku notatae, “Soba toa na ko ima'nyo na kota' Babel aiya! Akumo aiya na nombau da tinimbali puso nu kota' nu negara da bau pomponyata kakuasa'anku ka' mule' kahosonanku, katalasanggoan, ka' kahebatanku!”

SISIKON NU TO RASUL-RASUL 8:27

Sahingga i Filipus mule' nambamo. Tempo'nyo aitu daagi' ko samian anu ko pangkat mokalaja i kalaja'an Etiopia anu hau-haunyo lumambanan minsusule' mokiijo' i lipu'nyo. Mian aitu samian anu ko pangkat matangkas anu mongulus iwi-iwi' kakaya'an i Kandake, Tomundo boune i lipu' Etiopia. Mian aijo' mambamo nokiijo' i Yerusalem da balado'a hi Tumpu, ka' uuka aiya hau-haunyomo minsusule' tiba bendinyo. Hau-haunyo suha-suhang i uno nu kasake'annyo aijo' ia nombasa' Kitab i Nabi Yesaya.

ANU PINOTO'I HI YOHANES 17:5

I siakannyo tuli-tulis sa'angu' na sanggo anu madi' osumbu-sumbu' na alati'nyo. Sanggo aijo', aijo'mo Babel Anu Daka'; tina nu iwi-iwi' mian masala' ka' mian anu palaganta i dunia.

ANU PINOTO'I HI YOHANES 18:2

Potataenyo daka' hondo ia noloboo'mo, “Nahungku'mo! Babel anu daka' nahungku'mo! Tempo' uuka ia tinimbalimo tampat nu to setan-setan ka' roh-roh ma'idek. I unonyo daagi' ko tomonsi' anu manjoo' na ngahanannyo anu mahenyu ka' anu nuka'ideki nu mian.

1 SAMUEL 17:8

I Goliat tinolotinjomo ka' noloboo'akon nokiijo' hi aha suludadu nu Israel, “Apaa na obau nu belemiu atina'? Kahanda' mahampate na belemiu? Aku mian nu Filistin, o belemiu to posa-posaihon i Saul! Pile'i mae atina' hi belemiu anu baani ka' pintatau' mae da mahampate tiba aku.