MAZMUR 87:3 - KITAB NU TUMPU ALLA LELE MA'IMAI'

³ Potombihing mae, o, kota' nu Tumpu Allah, hahan anu okabangangi pinoto'inyomo apaa na anu binaumo nu belento;

MAZMUR 87:3 ပူးပေါင်းရင်းမြစ်များ

MAZMUR 46:4

maumo ahi' ambai motomuhukmo ka' mule' bokolonmo ka' puge'nyo iwi-iwi' gayu'anmo kalana hosonnyo nu bokon.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 59:20

Tumpu notataemo hi mian anu palesayamo hi Ia, “Aku tokaje mae i Yerusalem da momposalamat belemiu iwi-iwi' anu binala tobatmo i dosa' nu belemiu haha atina'.

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

YEHEZKIEL 36:2

‘Salatan to bansa-bansa anu haha aitu mae montumbuhimo mae ka' montololangimo belemiu, saba' aijo' sumo-sumomo aha nompopo'ambangmo Israel. Lame'mo na aha montaloakon, puge'nyo haha aita' anu salatanmo pe'e dunia aiya uuka aiya aha mo na tumpunyo. Mokonyo aijo' o, to bungku-bungkutnyo ka' mule' puge'nyo-puge'nyo, to panga-panga'nyo nu kaunyo tiba bangka'nyo, o, kota-kota' anu ihansunmo ka' anu pinala'ianmo nu miannyo ka' mule' tinololanganmo ka' mule pinopo'ambangmo nu bansa-bansa anu haha aitu mae, soba potombihing mae apaa na anu pinoto'imo nu Tumpu Anu Matangkas na Kuasanyo hi beleyum: I uno nu tambuha'-Ku anu taha-tahahumo aiya Ku pisala'imo hondo na bansa-bansa anu haha aitu mae hi belemiu, lebe-lebe Edom, kalana aha sinanangmo na mompopo'ambang ka' nongalamo ka' mule' nongalamo tano'-Ku ka' nongagoimo iwi-iwi na padang anu ko hemputnyo. Uuka aiya Aku motambuha'mo ka' mule' mongamu'mo kalana bansa haha aijo' talalomo ahi' na nompopo'ambang ka' madi'mo nompajuli belemiu.

YEHEZKIEL 5:5

Tumpu Anu Matangkas na Kuasanyo notatae, “Soba toa aiyamo na Yerusalem. Kota' aiya Ku po una'mo i puso nu dunia tiba nega-negara sangga'at anu mompaha ohani.

ANU PINOTO'I HI YOHANES 14:1

Lapas aijo' aku nontoamo, Anak nu Domba aijo' tinjo-tinjo aita' i Bungkutnyo nu Sion. Tiba Ia, daagi' mule' ko 144.000 na mian ka' i siakan nu aha toto samian bubu' tinulis na sanggo-Nyo ka' sanggo nu Tuuma-Nyo.