MAZMUR 86:9 - KITAB NU TUMPU ALLA LELE MA'IMAI'

⁹ Iwi-iwi' na bansa anu pinotimbalimo nu Belento saidi' mae, tokamo o Tumpu kahanda' monsombah Belento ka' mompuji' Belento anu talasanggo aijo'.

MAZMUR 86:9 ပူးပေါင်းရင်းမြစ်များ

2 TAWARIKH 6:33

ku taha'imani da kiita' mae i kajojoongan nu Belento i suluga', belento monpotombihingakon mae do'anyo ka' mombee' apaa na anu pinoitanyomo. Tiba jalan anu sumo aijo' iwi-iwi' na bansa anu i songko-songko na dunia mongakuimo belento ka' tulu-tulutanmo hi belento susumo mian nu Israel anu pinalesayamo hi belento. Nusumbu'mo nu aha taalu' laigan anu binaungkumo aiya, aiyamo na tampat bau ponsomban belento.

MAZMUR 102:15

Kalana to posa-posaihon nu Belento nongka'ima'imo ia, maumo ia nohobo'mo. Aha nongkalibosimo ia maumo ia tinimbalimo abu'.

MAZMUR 102:18

Nu hongomo na do'a nu mian anu palesayamo hi ia aijo'mo mian anu talalomo hondo sinusa', ka' nu talimamo na do'a nu aha.

MAZMUR 66:4

Songko-songko na dunia tinolodupumo nonsombah Belento, aha nanyanyimo nompuji' sanggo nu Belento.”

MAZMUR 67:7

Tano' kino hasinnyomo, Tumpu, Tumpunto nombalakatimo mae kita.

MAZMUR 72:19

Opuji' na sanggo-Nyo anu talasanggo sampe toka sidu-sidutu'; o'amalakon da songko-songko na dunia mobuke nu anu mompotalasanggo Ia! Jadimo mae sumo uuka, Amin!

MAZMUR 72:8

Kalaja'annyo mompaka pintuangmo lengkat mae i ambai santoanyo toka-toka i ambai santoanyo mule', ko ewanyo lengkat mae i sasu kabete'an toka-toka i sasu kinsoban.

YESAYA 11:9

I Sion, Puge'nyo nu Tumpu anu Susi', madi' ko anu ma'idek kabai ko anu mongidei. Lipu' kahomo monsumbu' apaa na aijo' Tumpu, pokakanamo susumo uee mompobuke'imo ndalangon.

YESAYA 43:7

Kalana aha iwi-iwi' ilagamo i uno nu sanggong-Ku, aha pinotimbaling-Kumo da mompopodaka' Aku.”

YESAYA 59:19

Kuasa tiba kaholomatan-Nyo nukabuhuk nu mian iwi-iwi' lengkat mae i kabete'an toka-toka i kinsoban. Ia toka mae mimbalu-balu' kaunyo anu mabohos, anu kinembongmo mae nu baleba' anu makansang hondo.

YESAYA 66:23

Salatan Bitu'onmo anu sala'je bete' ka' mule' salatan sinaamo nu Sabat iwi-iwi' na manusia tokamo mae monsombah Aku i kota' Yerusalem.

ZEFANYA 3:9

Panyo lapas aijo' Ku bali'imo na kinyonyoa nu bansa haha aijo' sahingga aha balado'a memo hi beleng-Ku ka' misa'mo hi to pilo-pilogot sangga'at. Bansa haha aijo' iwi-iwi' montulutimo Aku.

ZAKHARIA 14:9

Sahingga Tumpu mompalentahmo salaku tomundo' i songko-songko na dunia; toto samian monsombahmo Ia salaku Tumpu ka' monsumbu'mo Ia i uno nu sanggo anu pokakana.

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

ROMA 11:25

To Utu-utus! Kupoita da komiu boli mongoa'i au' aitu nonsumbu'mo iwi-iwi'. Kalana daagi' ko sangahan anu nukahanda'i nu Tumpu Allah, panyo anu ma'isa nusumbu' nu mian. Ka' ku kahanda'i da osumbu' miu; aijo'mo: Sambagian mian nu Yahudi panggaga, panyo kalakuan nu aha aijo' ola toka sampe pa'sangkuka na konjoo'nyo nu to mia-mian misa' Yahudi anu toka hi Tumpu aijo' sukupmo.

ROMA 15:9

I Yesus suele nompotimbalimo to bansa-bansa sangga'at nompopodaka' Tumpu, kalana ka'ima'an nu kinyonyoa-Nyo hi aha. I uno nu Kitab nu Tumpu tinulismo sumo uuka, “Mokonyo aijo' aku mompuji'mo Kita Tumpu aijo' hi aha to bansa-bansa, aku monyanyije pompuji' sanggon-To.”

EFESUS 1:12

Bakas, da kita na momonanyo taha'iman hi Kristus, mompuji' Tumpu kalana Ia talasanggo.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 15:4

Ihe na anu madi' mabuhuk hi Kita Tumpu? Te ihe na madi' mongka'oho' mompolele katalasanggoan-To! Olamo Kita na anu susi'. Iwi-iwi' na bansa tokaje mae monsombah Belento kalana apa-apaa na anu binaumo nu Belento mian iwi-iwi' nontoamo.”

ANU PINOTO'I HI YOHANES 20:3

Lapas mae malaikat aijo' nongalinmo ulo anu daka' hondo aijo' i uno nu keles kapatean, lantas nonggunsingmo keles kapatean aijo' ka' sinegennyomo na ulo anu daka' hondo aijo' da madi'mo daagi' moko ala mongakali to bansa-bansa i uno nu tempo' samadala na taun na kopinnyo aijo'. Lapas aijo', ia opolapasmo ka' tempo'nyo madi'mo pin.