MAZMUR 86:16 - KITAB NU TUMPU ALLA LELE MA'IMAI'

¹⁶ Palahatikan ka' kalibosi mae na aku, pohosonakon mae, ka' posalamatakon mae na aku, susumo tinangku, aku suele monsombah ahi' Belento.

MAZMUR 86:16 ပူးပေါင်းရင်းမြစ်များ

MAZMUR 116:16

Aku aiya posaihon nu – Belento, o, Tumpu, susumo tinangku, aku suele monsombah ahi' Belento. Belento nonsabatakonmo aku i uno nu talungku'.

MAZMUR 119:132

Siloi mae na aku ka' kalibosi mae na aku, susumo belento mongkalibosi anu mongka'ima'i Belento.

MAZMUR 119:94

Posalamatakon mae na aku, kalana aku aiya, Belentomo na tumpunyo, aku binala'usahamo montuluti atulan nu Belento.

MAZMUR 138:3

Salatan aku nongkakasemo hi Belento, Belento nontaamimo mae, pinohosonmo nu Belento na kinyonyoangku sahingga aku binaanimo.

MAZMUR 25:16

Toa mae na aku, ka' kalibosi mae na aku, kalana aku iliingmo ka'sinansalamo.

MAZMUR 41:5

Aku notatae, “Aku binaladosa'mo hi Belento o Tumpu, kalibosiakon mae na aku ka' opa alinakon mae na aku.”

MAZMUR 69:16

Boli opojohok na aku nu anjuhakon nu ambai anu bundokmo ka' bokolonmo ka' mule' tonu'mo ilana nu ambai kabai olamunmo i uno nu bolo'.

MAZMUR 84:5

Totu-totu'u mohumpak ka'ima'an na mian anu jojoong i laigan nu Belento, ka' saja' monyanyi, nyanyian anu bau pompuji' Belento.

MAZMUR 90:13

O, Tumpu, sampe toka hipian na Belento motambuha'? Po'ule'mo mae toka ka' kalibosiakonmo mae na to posa-posaihon nu Belento haha aiya.

YESAYA 45:24

To mia-mian saidi' mae montaloakonmo, ‘Ka'adilan tiba kahosonan samata-mata lengkat mae hi Tumpu!’ Iwi-iwi' na mian anu nongka'idekimo Aku, tokamo mae hi beleng-Ku ka' ma'ambangmo.

ZAKHARIA 10:12

Aku mompohosonmo mian anu palesayamo hi beleng-Ku, aha tulu-tulutanmo ka' monsombahmo Aku. Akumo, na Tumpuu anu notataemo.”

LUKAS 1:38

Lantas i Maria notatae, tukoonyo, “Aku aiya posaihon nu Tumpu; bakasmo da timbali hi belengku sumo anu tinaloakonto.” Lantas i namba na malaikat nompala'i Maria.

EFESUS 3:16

Aku balado'a bisa-bisa' Tumpu anu opopodaka' sanang na mompohoson kinyonyoa miu nu Roh-Nyo.

EFESUS 6:10

Ahennyo, pahoson ahi' na komiu nu kahosonan anu i humpak miu lengkat hi kuasa nu Tumpu, kalana komiu nosa'angu'mo tiba Ia.

FILIPI 4:13

Tiba kuasa anu binee'mo i Kristus hi belengku, aku ko kahosonanmo mongahopi iwi-iwi' na ngahan nu soba'an.

KOLOSE 1:11

O'amalakon da kuasa anu lengkat mae hi Tumpu anu talasanggo, komiu opohoson, sahingga komiu moko ala sabaan na mongoa'i sansala i han iwi-iwi', ka' sabaan ka' sanang na kinyonyoa