MAZMUR 86:11 - KITAB NU TUMPU ALLA LELE MA'IMAI'

¹¹ Pogulu'akon mae, apaa na anu, nu kahanda'i hi belengku, o, Tumpu, da ku batuki ka' ku tuluti totu-totu'u; potimbali mae na aku da tulu-tulutan ka' totu-totu'u na kinyonyoangku.

MAZMUR 86:11 ပူးပေါင်းရင်းမြစ်များ

AYUB 34:32

Pinoitamo nu beleyum da Nupoto'i mae na kasala'an nu beleyum? Binasumpa'mo na beleyum madi'mo mombau kalakuan anu susumo atina'?

MAZMUR 119:30

Aku nompile'imo da tulu-tulutan, palentah nu Belento saja' sabole-boleh ku inau'.

MAZMUR 119:33

O, Tumpu, pangajali mae na aku da mangalati' hi atulan nu Belento iwi-iwi' da ku tuluti sampe i ka'ahenannyo.

MAZMUR 119:73

Belentomo na nompotimbali ka' nontali' aku, popangalati' mae na aku monggului' iwi-iwi' na palentah nu Belento.

MAZMUR 25:12

Tumpu nompokinde'imo mian anu palesayamo jalan anu tionyo otului.

MAZMUR 26:3

Aku saja' monginau' kalibosan nu Belento, ka' saja' tulu-tulutan hi Belento.

MAZMUR 27:11

Poto'i mae hi belengku apaa na anu nu kahanda'i nu Belento, o Tumpu, taka' mae na aku ijalan anu hodi', kalana sampobali'ku da'isan hondo.

MAZMUR 5:8

Panyo kalana talalo hondo Belento mongkalibosi, aku timbali minsoop i uno nu Laigan nu Belento. Aku tolodadupu monsombah mongahopi Laigan nu Belento anu susi', ka' ku sombah na Belento kalana talalo ku angga'i.

HOSEA 10:2

To mia-mian anu kinyonyoanyo tageo' aijo' uuka aiya montanggung ahi' dosa'nyo. Tumpu Allah mohansunimo mezbah nu aha ka' montua' akonmo patong nu pilogot nu aha.

HOSEA 14:8

Aha po ule'mo mae minsusule' hi beleng-Ku ka aha Ku jagaimo. Ka' malia'mo hondo na aha mohumpak kasanangan i uno nu kantumuu'an nu aha sumomo gandum tumuu' i ale' anu tano'nyo ma'omuk, ka' susumo ale' nu anggur susumo uee nu anggur nu Libanon sanggo nu aha talasanggomo i yaya mae.

ZEFANYA 1:5

Ku sapuimo iwi-iwi' ihe na saja' moliba' aita' mae i atop ka' monsombah batu nu sinaa, bitu'on, ka' to manda-mandala'. Saidi' mae Ku hopu'imo na aha anu monsombah Aku ka' mule' binasumpa'mo da tulu-tulutanmo hi beleng-Ku, panyo mule' ahi' binasumpa'mo hi sanggo nu Tominuat Milkom.

MALEAKHI 2:6

Aha mompogulu'mo han anu totu'u misa'mo anu madi' totu'u. Aha mompahakonamo hondo tiba Aku ka' mule' sahondo-hondonyomo na montuluti pongka'oho'-Ku. Aha mule' ahi' montulungimo manjoo' na mian da madi'mo daagi' mombau palabuatan anu ma'idek.

SISIKON NU TO RASUL-RASUL 2:46

Toka sansina-sinaa aha saja' silimu' i Laigan nu Tumpu ka' lame' na aha mongkaan hingga-hinggat, ka' aha madi' mombuulakon to lai-laigan nu aha.

1 KORINTUS 10:21

Komiu madi' timbali monginum i galas nu anggur nu Tumpu, ka' mule' suele i galas nu anggur nu roh ma'idek. Komiu madi' timbali mongkaan i meja' nu Tumpu tiba i meja' suele nu roh ma'idek.

1 KORINTUS 6:17

Panyo mian anu momposa'angu' butongnyo tiba Tumpu, Roh nu Tumpu tiba roh nu mian aijo' nosa'angu'mo.

2 KORINTUS 11:3

Panyo aku bata-bata mamanga pikilanum saidi' mae tagoda madi'mo daagi' tulu-tulutan hi Kristus, pokakana sumo i Hawa u'utu mae suele tinagoda kalana kapandean nu ulo.

EFESUS 4:21

Komiu nohongomo mongkona Ia! Ka' salaku anu saja' mombatuki Ia, komiu pinogulu'mo singkona mongkona sipat-sipat nu Tumpu anu daagi' hi Ia!

KOLOSE 3:17

Apaa na anu obau miu iwi-iwi' kabai otaloakon, aijo' obau ka' otaloakon, samata-mata kalana sanggo nu Tumpu Yesus. Montalima kase ahi' hi Tumpu Tuumanto, kalana apaa na anu binaumo i Yesus hi komiu.

2 YOHANES 1:4

Aku lame' hondo na nonsumbu' taalu' daagi' ko to ana-anak nu kita Pontina'on anu tumuu' mombatuki pangajalan nu Tumpu, susumo anu pinalentahkonmo nu Tumpu Tuuma hi kita.