MAZMUR 86:1 - KITAB NU TUMPU ALLA LELE MA'IMAI'

¹ Do'a i Daud. Potombihingakon mae na do'angku, o, Tumpu, ka' taami mae na aku, kalana aku kasiasi ka' madi' mahoson.

MAZMUR 86:1 ပူးပေါင်းရင်းမြစ်များ

MAZMUR 10:14

Panyo Belento na montoa ahi' ia, saja' nu inau' nu Belento na kasusa'an tiba kasansala'an, ka' saja' ahi' kahanda' montulungi. Mian anu madi'mo mahoson me saja' mongasanakon butongnyo hi Belento. Belento na saja' ahi' motulungi mian anu kasiasi.

MAZMUR 102:1

Do'a nu mian anu sinansalamo ka' nalawemo hondo, nompoto'imo kasansalannyo hi Tumpu.

MAZMUR 102:17

de Tumpu po'ule'mo mompotinjo Sion, ka' po'ule'mo otoa na katalasanggoan-Nyo.

MAZMUR 119:22

Pobebasakon mae na aku da madi' nu alu ka' nu pisala'i mae nu aha, kalana aku mombaumo atulan nu Belento.

MAZMUR 140:12

Bakas da mian anu talalomo buhingison na mompalentah nutokai mae nu balaa', boli opobee' na mian anu lewa' mompobau-bau jojoong i dunia aiya.

MAZMUR 142:1

Nyanyian pangajalan i Daud, tempo'nyo ia i uno nu liang.

MAZMUR 17:6

Aku nomoita hi Belento, o Tumpu, kalana Belento nontaamimo mae aku; tutugiakon mae na aku ka' potombihingakon mae na potataengku.

MAZMUR 25:16

Toa mae na aku, ka' kalibosi mae na aku, kalana aku iliingmo ka'sinansalamo.

MAZMUR 31:2

Hi Belento na bau pihohunganku o Tumpu, Boli opojohok na aku mohumpak ambang. Posalamatakon mae na aku nu ka adinan nu Belento

MAZMUR 34:6

Mian anu sinansalamo nontaha'imanimo ia ka' ilame'mo aha madi'mo daagi' mohumpak ambang.

MAZMUR 40:17

O'amalakon da iwi-iwi' na mian anu monsombah Belento bilahimo ka' lame'mo ka' iwi-iwi' na anu mongka'ima'i kasalamatan lengkat mae hi Belento tataap motatae, “Memang ahi' talasanggo na Tumpu!”

YESAYA 37:17

O, Tumpu de timbali toakon mae apaa na anu jinadimo aiya hi kami. Potombihingakon mae iwi-iwi' na potatae mompopo ambang anu tinaloakonmo i Sanherib hi Belento, Tumpu anu tumuu'.

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

DANIEL 9:18

Potombihingakon mae na kami, o, Tumpu, toa mae na kami ka' palahatikan mae na kasala'an mami tiba kota' mami anu nana idekmo tiba suele sanggo nu Belento. Kami binalado'amo hi Belento misa' kalana kami mian anu manonong panyo kalana Belento talalo ahi' hondo mongkalibosi.

MATIUS 5:3

“Bila-bilahi na mian anu mongoa'i madi' moko ala, ka' ola montaha'imani Tumpu samata-mata; aha ninsoopmo mian anu palesayamo hi Tumpu!

LUKAS 4:18

“Roh nu Tumpu daagi' hi beleng-Ku, kalana Ia nohangkatmo Aku da mompolele Lele Ma'ima' hi mian kasiasi. Ia nompokau Aku da mompoto'iakon opobebasmo na mian anu i hakop ka' kapa'alinan nu mian mapisok; da bau pompobebas mian anu o sansala

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.