MAZMUR 85:12 - KITAB NU TUMPU ALLA LELE MA'IMAI'

¹² Tulu-tulutan nu manusia molengkatmo mae i dunia aiya, ka' ka'adilan nu Tumpu montoamo mae lengkat i langit.

MAZMUR 85:12 ပူးပေါင်းရင်းမြစ်များ

MAZMUR 67:6

O'amalakon da iwi-iwi' na bansa mompuji' Belento, o, Tumpu, o'amalakon da iwi-iwi' na bansa monsumbu' montalima kase hi Belento.

MAZMUR 72:16

O'amalakon da gandum saja' sida hondo ka' madi' kokamingkotannyo i songko-songko na lipu', ka' iwi-iwi' na puge'nyo kahomo anu mingguna na hasinnyo. O'amalakon da tano'nyo ma'omuk susumo Bungkutnyo nu Libanon, ka' anu monjojoongi kota'nyo ko pintu-pintuangnyomo sumomo hemput i tampat padang anu ewa.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

YESAYA 32:15

Panyo daagi' ahi' minsan na Tumpu saidi' mae toka tibamo kakuasa'an-Nyo. Sahingga padang tampat anu mateges timbalimo ale' anu toto lumba-lumba' ka' ale' iwi-iwi' saidi' mae sumomo alas.

YESAYA 45:8

Lengkat mae ilangit tinau'akon-Kumo na ka'untungan mahampate susumo ujan, tano' binalabukamo da montalimamo ia, lantas nompotumuu'mo kasalamatan tiba kabebasan; Akumo na Tumpu anu nombaumo aijo' sahingga jinadimo.”

IMAMAT 25:19

Tano' nu lipu' aijo' ko hasinnyoje sahingga belemiu ko kaanonmo anu sukup ka' jojoongmo kiijo' mae sanangmo.

IMAMAT 26:4

Ku tudunakonje mae na ujan toka i tempo'nyo, sahingga ale' ko hasinnyomo ka' kau' mimbua'mo.

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

ZAKHARIA 8:12

Aha monsa'u bine' madi'mo ko anu mompoposia. Sagala anggur nu aha mimbua'mo ka' mule' tano' ko hasinnyomo ka' mule' ujan tudunmo mae manjo-manjoo'. Iwi-iwi' na balakat haha aijo' Ku bee'mo hi to mia-mian anu daagi' tutuu' i bansa aiya.

MATIUS 13:23

Ka' bine' anu nanabu' i tano' anu molumba', sumomo to mia-mian anu mohongo lele aijo' ka' mangalati'. Aha mimbua' manjoo', daagi' ko anu sa'atu, daagi' ko anu anom pulu', ka' daagi' ko anu tolumpulu' lipat na hasinnyo.”

MATIUS 13:8

Panyo daagi' mule' ko bine' anu nanabu' i tano' anu molumba', lantas nimbua'; daagi' ko anu sa'atu, daagi' ko anu anom pulu', ka' daagi' ko anu lipat tolumpulu'.”

SISIKON NU TO RASUL-RASUL 2:41

Manjoo' na mian palesaya i anu nu taloakon i Petrus, lantas aha pinalamandikan. Sahingga konjoo' nu mian palesaya i sinaa aitu nintuang mule' totolu' na madala na mian.

SISIKON NU TO RASUL-RASUL 21:20

Noko hongo sisik i Paulus aijo', aha iwi-iwi' nompuji'mo Tumpu. Lapas aijo' aha notatae hi Paulus, “Utusku Paulus! Kita utus tionyo monsumbu' saba' nomada-madalamo na to mia-mian Yahudi anu pinalesayamo hi Yesus. Aha iwi-iwi' aijo'mo, na to mia-mian anu saja'mo nombatuki atulan i Musa.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

EFESUS 1:3

Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.