MAZMUR 84:9 - KITAB NU TUMPU ALLA LELE MA'IMAI'

⁹ Potombihing mae na do'angku, O, Tumpu Anu Daka' na Kuasanyo, potombihingakon mae, O, Tumpu i Yakub.

MAZMUR 84:9 ပူးပေါင်းရင်းမြစ်များ

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

2 SAMUEL 23:1

I Daud anak i Isai pinile'anmo binau tomundo' ka' pinotimbalimo nu Tumpu Allah i Yakub sahingga tinimbalimo mian daka'. Iamo na nompotiju' nyanyanyian hi aha Israel. Aiya na anu pupuusnyomo tinaloakon i Daud:

2 TAWARIKH 6:42

O Tumpu Allah, boli oka'ideki nu Belento na tomundo anu pinile'anmo nu Belento aiya. Inau'akon na kalibosan nu Belento hi Daud posaihon nu Belento.”

MAZMUR 132:17

I aiyamo na lee' i Daud samian, Ku potimbalimo tomundo'; kapalentahannyo Ku potataapmo.

MAZMUR 17:1

Do'a i Daud. Potombihingakon mae na anu ku poita aiya mongkakase ka'adilan, tutugiakon mae na do'angku aiya anu sahondo-hondonyo, o Tumpu.

MAZMUR 2:2

To tomu-tomundo' nu dunia singkapmo sinumikakan tinuminjo ka' to mia-mian anu montoongi kakuasa'an binasale'mo mongewa Tumpu ka' tomundo' anu pinile'an-Nyomo.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 3:3

Manjo'mo na anu nompoto'i tukoonyo nu aha Tumpu madi'mo montulungi aku.

MAZMUR 59:11

Kalana Tumpungku manonong Ia tinokamo mae hi belengku, pinobakasnyomo na aku montoa anu monsampobali' mae aku Nupatundu'mo.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

MAZMUR 89:20

Naipuan mae tempo'nyo Belento nanintoa, Belento nompoto'imo hi posaihon nu Belento ano tulu-tulutan. “Aku nontulungimo samian anu baani hondo, samian anu pinile'an-Kumo aijo' hi aha mian da'isan ka' i hangkatkumo na sanggonyo.

MAZMUR 98:1

Mazmur. Nyanyiakonmo hi Tumpu na nyanyian anu sala'je ingajan, kalana apa-apaa na anu binau-Nyomo talalo ahi' okabangangi! Ola samata-mata kakuasa'an ka' posi kahosonan-Nyo. Ia nohumpakmo ka'untungan na, nahampate.

SISIKON NU TO RASUL-RASUL 4:27

Kalana memang i Herodes ka' i Pontius Pilatus nombaumo posa'angu'an nu tanga'an tiba to mia-mian anu madi' monsumbu' Tumpu ka' tiba to mia-mian nu Israel i kota aiya. Aha singkabot da mongewa i Yesus Posaihon-To anu Susi' aijo', anu i hangkatmo nu Kita timbali Tomundo anu Momposalamat.

PO'ULE' INGULIT 33:29

Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”

1 SAMUEL 16:6

Salatan sinihukmo ka' tinoamo i Samuel na i Eliab anak i Isai tantu koonyo, “Aiyamo na anu pinile'anmo nu Tumpu.”

1 SAMUEL 2:10

Anu monsampobali' Tumpu opatei madi' ko anu tontuha', aha mabuhukmo; aita' mae i langit lumontupmo na gohung-Nyo, Tumpu na momputusi palakala nu dunia songko-songko, Ka' mombee'i kuasa anu talasanggo, hi tomundo' anu pinile'an-Nyomo.”