MAZMUR 84:7 - KITAB NU TUMPU ALLA LELE MA'IMAI'

⁷ Hau-haunyo aha lumajang motulu i bangka'nyo nu Ahelat, tampat aijo' binali'anmo nu aha tinimbalimo mata nu uee, ujan anu momona tinudun nabohos hondo aijo', salakumo balakat.

MAZMUR 84:7 ပူးပေါင်းရင်းမြစ်များ

AYUB 17:9

Mian anu ma'ima' na kinyonyoanyo ka' anu madi' ko kasala'annyo, lebemo nu oa'i totu-totu'u na kantumuu'annyo kina'ima' anmo nu Tumpu Allah.

MAZMUR 122:2

Uuka aiya kami tinokamo i sabatan daka' nu kota' Yerusalem.

MAZMUR 42:2

Susumo jonga mongindimo uee nu kaunyo sumo aijo'mo na santuu'ku lewa'mo mongindi' Belento, o Tumpu Allah.

MAZMUR 43:3

Potoamo mae na kanonongan nu Belento bau ponjingkai mae ka' mule' montaka aku, da aku minsusule'mo i Sion, puge'nyo nu Belento anu susi' ka' mambamo i Laigan kakajoongan nu Belento.

AMSAL 4:18

Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.

YESAYA 40:31

Panyo mian anu montakabunakon Tumpu, saidi' mae po ule'mo mohumpak kahosonan. Aha pokakanamo sumo bonyia', anu lumahap matangkas kalana kahosonan nu polipiknyo. Aha lewa' mopadeka' panyo madi' malawe, aha lewa' lumajang panyo madi' lu'us.

YESAYA 46:13

Ku polia'mo mae na katokaan nu sinaa anu baumo pompo bebasan, kasalamatan anu Kubee' madi'mo daagi' otunda. Ku posalamatmo na Yerusalem ka' mombee'imo kaholomatan hi Israel.”

YESAYA 58:11

Aku saja' monjagai ka' nombee'i mongkaan belemiu i tano' anu nategesmo; Ku jagai na belemiu da tataap sehat ka' mahoson. Belemiu kakanannyo sumo ale' anu sukup na ueenyo, susumo mata nu uee anu madi' toho' mo'oti.

YEREMIA 31:6

Memang totu'u tokaje mae na tempo'nyo to mia-mian anu monjaga kota' moloboo'akonje mokiita ibungkutnyo nu Efraim, ‘Imbo' kita mindakomo mokiita' i Sion, hi Tumpu Allah-nto'.’ ”

YEHEZKIEL 34:26

Ku balakatimo na aha ka' mompobee'mo aha jojoong i bungkutnyo anu susi' anu Aku na tumpunyo. Aha Ku bee'imo ujan de nu palalui nu aha.

ZAKHARIA 14:16

Lapas aijo' iwi-iwi' na mian anu daagi' tutuu' aijo' hi aha bansa-bansa anu toho'mo nontumbuhi Yerusalem mambamo i kota' aijo' da monsombahmo Tomundo', aijo'mo Tumpu Anu Daka' na Kuasanyo ka' molame'akonmo Lamean Tahop o, o, atopinu nu Hon nu kau'.

LUKAS 2:24

Aha mule' ko niat monsombahkon koloban, atina'mo beheenyo ka' lakinyo, tomonsi' sapatau, kabai ohua' na tomonsi' malapati' anu daagi' bata'nyo, sumo anu tinantukanmo nu Atulan nu Tumpu.

YOHANES 1:16

Ia saja' mongkalibosi; madi' ko kamingkotannyo, Ia mombalakati kita.

YOHANES 14:3

De lapasmo na Aku mamba montoukai tampat miu, Aku po'ule'je mae minsusule' ka' molabot komiu, da iyana kajojoongan-Ku, i kiijo' suele na kajojoongan miu.

YOHANES 15:2

To panga-panga' anu hi beleng-Ku anu madi' mimbua' nu tutu'akon-Nyo, ka' to panga-panga' anu mimbua' nuga'ai na hoon-Nyo ka' nu tetep da lebe mahampe na bua'nyo.

YOHANES 6:39

Ka' aiya na kahanda'-Nyo nu anu nonsai mae Aku: Da iwi-iwi' na mian anu binee'mo hi beleng-Ku, madi' ko samian pe'e na molapus; panyo da po'ule' Kupotumuu' na aha i Sinaa Kakiamatan.

2 KORINTUS 3:18

Uuka aiya ohupto iwi-iwi' madi'mo kinukumbungan nu kukumbung, ka' kita monjingkakonmo lonyingkaban nu i Tumpu Yesus. Ka' kalana aijo' kita saja' obali'i susumo ia lebe pin lebe timbalimo lonyingkaban na kita. Anu mompolonyingkaban aijo' lengkat mae hi Roh, ka' Roh aijo'mo na Tumpu.

PO'ULE' INGULIT 16:16

Iwi-iwi' na to momo'ane nu aha Israel tionyo ahi' toka mae monsombah Tumpu Allah nu belemiu i tampat anu pinile'an-Nyomo sataun pintolun aijo'mo i Sinaa Lamean nu Paskah, i Lamean Monsawe' gandum, tiba Lamean Tahop o atopi nu Hon nu kau'. Batu-batu mian tionyo ahi' momboa palasombahan.

1 TESALONIKA 4:17

Lapas aijo' kita anu daagi' tumuu' tempo'nyo aitu, hingga-hinggat o hangkat tiba aha i uno nu kundom da mompahakabot tiba Tumpu i langa. Lantas kita jojoongmo hingga-hinggat tiba Tumpu sampe toka sidu-sidutu'.

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9