MAZMUR 84:11 - KITAB NU TUMPU ALLA LELE MA'IMAI'

¹¹ Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

MAZMUR 84:11 ပူးပေါင်းရင်းမြစ်များ

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

MAZMUR 119:114

Belentomo na anu montinjohi mae ka' anu monjagai mae aku aku montaha'imanimo anu jinanji' nu Belento.

MAZMUR 15:2

Mian anu kantumuu'annyo madi' ko alunyo ka' saja' mombau anu ma'ima', ka' madi' baleko' na montaloakon anu totu'u;

MAZMUR 27:1

Mazmur i Daud. Tumpu aijo'mo na jingkaku ka' kasalamatanku, madi'mo ko anu ku kabuhuk. Tumpu aijo'mo na benteng bau pihohunganku, aku madi'mo mabuhuk.

MAZMUR 3:3

Manjo'mo na anu nompoto'i tukoonyo nu aha Tumpu madi'mo montulungi aku.

MAZMUR 47:9

Tumpu sumuhang aita' i kadela-Nyo anu susi'; Ia mompalentah aha to bansa-bansa.

MAZMUR 84:9

Potombihing mae na do'angku, O, Tumpu Anu Daka' na Kuasanyo, potombihingakon mae, O, Tumpu i Yakub.

MAZMUR 85:12

Tulu-tulutan nu manusia molengkatmo mae i dunia aiya, ka' ka'adilan nu Tumpu montoamo mae lengkat i langit.

AMSAL 10:9

Mian anu madi' tageo' na kinyonyoanyo kantumuu'annyo aman; panyo mian anu mongakali saidi' mae osumbu'mo.

AMSAL 2:7

Kona hi mian anu hodi' na kinyonyoa-Nyo ka' anu madi' ko kasala'annyo, Nu tulungiakon ka' Nu jagai.

AMSAL 28:18

Mian anu tumuu' madi' ko anu o'pisala'i kantumuu'annyo saidi mae ia salamat. Mian anu minggeo-geo' na kantumuu'annyo, saidi mae mohumpak balaa'.

AMSAL 28:6

Sahanyo mian kasiasi anu madi tageo' na kinyonyoanyo, ka'de mule' mian anu kaya anu madi' adin.

MIKHA 2:7

Boli monsangka aha mian nu Israel nu kutukimo nu Tumpu! Tumpu madi' mombau hahan anu sumo aijo'. Ia madi' toho' ka' madi' nu bau na kasabanan-Nyo. Temisa' Ia na madi' ahi' motatae ko pesa-pesa hi to mia-mian anu mombau han anu totu'u?”

MALEAKHI 4:2

Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

YOHANES 1:16

Ia saja' mongkalibosi; madi' ko kamingkotannyo, Ia mombalakati kita.

YOHANES 1:9

Jingka totu-totu'u anu monjingkai iwi-iwi' na mian, tinokamo i dunia.

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

2 KORINTUS 3:18

Uuka aiya ohupto iwi-iwi' madi'mo kinukumbungan nu kukumbung, ka' kita monjingkakonmo lonyingkaban nu i Tumpu Yesus. Ka' kalana aijo' kita saja' obali'i susumo ia lebe pin lebe timbalimo lonyingkaban na kita. Anu mompolonyingkaban aijo' lengkat mae hi Roh, ka' Roh aijo'mo na Tumpu.

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

GALATIA 2:14

Salatan tinoangku taalu' aha madi' mompintoongi kahondoan nu Lele Ma'ima' aijo', aku notatae hi Petrus i ahop nu iwi-iwi' mian anu tinoka i kiijo', “De kita Utus mian nu Yahudi tumuu'mo sumo mian anu misa' Yahudi, kadaka' kita Utus uuka aiya mongka'oho'mo mompakisa to mia-mian sangga'at tumuu' sumo mian nu Yahudi?”

PO'ULE' INGULIT 18:2

Aha madi' timbali ko tano' susumo tulunan nu bansa sangga'at kalana Tumpumo na bagian nu aha susumo anu jinanji'mo nu Tumpu hi aha.

FILIPI 1:6

Posi Tumpu na nontampu'uni kalaja anu ma'ima' aijo' hi belemiu, ka' kupalesaya totu-totu'u Ia na molausakon kalaja aijo' sahingga toka i Sinaanyo de i Kristus mompo'ule'mo toka.

FILIPI 4:19

Tumpu anu kusombah, anu manjo-manjoo' na kakaya'an hi Kristus Yesus, momposukupakonje kapalaluan miu.

ANU PINOTO'I HI YOHANES 21:23

Kota aijo' madi' palalu nujingkai nu batu nu sinaa kabai bitu'on, kalana katalasanggoan nu Tumpu na monjingkai, ka' Anak nu Domba aijo', atina'mo na sulu'nyo.