MAZMUR 83:13 - KITAB NU TUMPU ALLA LELE MA'IMAI'

¹³ kalana aha notataemo, “Imbo' da ojojoongintomo na tano' kajojoongan nu Tumpu.”

MAZMUR 83:13 ပူးပေါင်းရင်းမြစ်များ

AYUB 13:25

Aku ola sumo hon mohontang de motulumo na baleba, madi' minsoop i akan na Belento mompopobuhukmo aku! Aku ola sumo hat anu nanggasmo ka' nangkalualemo, te toho' mule' na Belento lewa'mo mololoi' aku!

AYUB 21:18

Te toho' aha susumo hat ka' abu' anu nutilahabakonmo nu antong ka' mombun anu motulu?

MAZMUR 22:1

Anu mongkapalai panyanyi. Lagunyo ingala i lagu nu nyanyian: Jonga de sinaa tolohinsi'mo mae. Mazmur i Daud.

MAZMUR 35:5

Sahanyo aha nu tumputmo nu malaekat nu Tumpu susumo ota' nu tilabakonmo nu mombun.

MAZMUR 44:4

Tano' aijo' madi' pino ago nu aha nonggunakon bajak misa' ola posi kahosonan nu butong nu aha sahingga aha inguntungmo na nahampate, panyo kalana kakuasa'an tiba jingka salaku tanda daagi' ko Belento hi aha kalana Belento na sanang ahi' hi mian anu palesayamo hi Belento.

NOSABATMO 15:7

Tiba katalasanggoan nu Belento anu daka' hondo Belento nohopu'imo iwi-iwi' na anu nongewamo Belento Pusa nu Belento talalomo hondo kino juhu-juhut susumo apu ka' nompapuimo aha susumo hat.

YESAYA 40:24

Aha aijo' sumomo ahi' sosu'anon anu ma'isa daka', anu montampu'unije tumuu' na bakatnyo. De nu puhakonmo nu Tumpu na mombun, aha manggasmo ka' nulahabakonmo nu mombun susumo hat.

YESAYA 41:2

Ihe na nompotuka anu balakuasa lengkat mae i kabete'an ka' saja'mo nompo untung ia nahampate? Ihe na nontulungi ia sahingga nompatundu'mo bansa-bansa ka' mule' nohungku'imo to tomu-tomundo' tina aluk hi ia? Bajaknyo na nombau aha da nohintutu susumo abu', pana'nyo na nompotatabumo aha susumo hat pinuhakonmo nu mombun.

YEREMIA 13:24

Ku ga'a-ga'atakonmo na belemiu susumo ota' nu tilabakonmo nu mombun anu lengkat mae ipadang tampat anu mateges.

YEHEZKIEL 35:10

Belemiu nontaloakonmo koonyo nu belemiu mau Yehuda kabai Israel tibamo tano'nyo belemiumo na mohaki ka' mule' belemiumo na jadi tumpunyo maumo ahi' Aku, Tumpu, na Tumpu nu aha.

YEHEZKIEL 36:2

‘Salatan to bansa-bansa anu haha aitu mae montumbuhimo mae ka' montololangimo belemiu, saba' aijo' sumo-sumomo aha nompopo'ambangmo Israel. Lame'mo na aha montaloakon, puge'nyo haha aita' anu salatanmo pe'e dunia aiya uuka aiya aha mo na tumpunyo. Mokonyo aijo' o, to bungku-bungkutnyo ka' mule' puge'nyo-puge'nyo, to panga-panga'nyo nu kaunyo tiba bangka'nyo, o, kota-kota' anu ihansunmo ka' anu pinala'ianmo nu miannyo ka' mule' tinololanganmo ka' mule pinopo'ambangmo nu bansa-bansa anu haha aitu mae, soba potombihing mae apaa na anu pinoto'imo nu Tumpu Anu Matangkas na Kuasanyo hi beleyum: I uno nu tambuha'-Ku anu taha-tahahumo aiya Ku pisala'imo hondo na bansa-bansa anu haha aitu mae hi belemiu, lebe-lebe Edom, kalana aha sinanangmo na mompopo'ambang ka' nongalamo ka' mule' nongalamo tano'-Ku ka' nongagoimo iwi-iwi na padang anu ko hemputnyo. Uuka aiya Aku motambuha'mo ka' mule' mongamu'mo kalana bansa haha aijo' talalomo ahi' na nompopo'ambang ka' madi'mo nompajuli belemiu.

MATIUS 3:12

I lima-Nyo daagi' ko kiapan bau pontapii iwi-iwi' na gandum-Nyo sampe belesi'. Gandum nu polimu' i uno nu alang, panyo iwi-iwi' na ota'-Nyo o papui i uno nu apu anu madi' toho' mate.”