MAZMUR 80:9 - KITAB NU TUMPU ALLA LELE MA'IMAI'

⁹ Mian anu palesayamo hi Belento sumomo kau' anggur anu i lalinmo mae nu Belento lengkat mae i Mesir. Bansa haha aijo' sangga'at i laa'mo nu Belento, lantas sinu'anmo nu Belento na kau' aijo' i lipu' nu aha.

MAZMUR 80:9 ပူးပေါင်းရင်းမြစ်များ

2 SAMUEL 7:10

Ka' mule' kona hi aha mian Israel anu pinalesayamo hi belengku tinoukan-Kumo na tampat ka' Kupalentahmo na aha jojoong ikiijo' da aha tumuu' madi'mo ko anu mompoposia. Salatanmo pe'e aha tinoka u'utu mae i tano' aiya ka' Aku nohangkatmo to pola-polaya' nu aha, aha tinumbuhanmo nu to mia-mian anu toto ue-uesan panyo aijo' madi'mo po ule' jadi. Aku balajanji' saba' beleyum madi'mo ko anu monsampo bali' ka' ko anu mompoposia ka' Ku bee'imo tulunan na beleyum.

1 TOMU-TOMUNDO' 4:20

Mian da'isan nu aha Yehuda ka' Israel konjoo'nyo sumomo bone' i biwi nu ambai. Sukup na anu nu kaan nu aha ka' anu nu inum ka' sanaang na kantumuu'an nu aha.

1 TAWARIKH 21:5

ka' tokamo pinoto'inyo hi tomundo' Daud sangkuka na mian anu binilangmo aijo'. Konjoo'nyo nu to momo'ane anu timbali ohangkat bau suludadu 1.100.000 na mian nu Israel ka' 470.000 na mian nu Yehuda.

MAZMUR 105:44

Tano' nu to bansa-bansa binee'-Nyomo hi aha, iwi-iwi' na ale' nu aha, ahamo mian anu palesayamo hi Ia na tumpu-Nyo,

MAZMUR 44:3

Posi Belentomo ahi' na nolaa' to bansa-bansa da mian anu palesayamo hi Belento tataapmo ilipu' nu aha. To bansa-bansa sangga'at sinilakanmo nu Belento panyo mian anu palesayamo hi Belento na pinoloasmo ahi' nu Belento da ko pintu-pintuangnyo.

YESAYA 27:2

Tempo'nyo aijo' Tumpu motataemo, “Panyanyimo nyanyian anu mongibalatakon ale'-Ku nu anggur anu ma'ima'an.

YESAYA 27:6

Tempo' anu aiya mae o, ahopi, bansa Israel pokakanamo susumo kau' mimbakatmo ka' ko pintu-pintuangnyomo ka' mule' monsongkohimo tano' aiya anu koko buanyo.

YESAYA 37:31

Aha mian nu Yehuda anu daagi' tutuu' sanangmo na kantumuu'an nu aha susumo sosu'anon anu maleeng hondo na bakatnyo ka' saidi' mae mimbua'mo.

YESAYA 5:2

Nu pansun na tano'nyo ka' nu paha alini na batunyo. Sinu'annyomo na anggur anu pinile'annyomo ka' binaunyomo na laigan tangka-tangkas bau ponjagaian. Kinekenyomo sa'angu' na bolo' da pombauan tampat pompao'an nyo anggur, lantas nu tanda'imo na bua'nyo maha, panyo bua'nyo anu ola anggur anu malosing.

YEREMIA 12:2

Sinu'anmo nu belento na aha susumo sosu'anon, lantas aha nimbakatmo, tinumuu'mo, ka' nimbua'mo. Aha saja mombisalakon anu toto ima-ima' mongkona butong nu Belento, panyo i uno nu kinyonyoa nu aha, aha sabenannyo ahi' madi' mompajuli Belento.

YEREMIA 2:21

Beleyum sinu'an-Kumo susumo kau' anggur anu pinile'an-Kumo ingala ibibitnyo anu ma'ima'. Panyo uuka aiya beleyum nongabali'mo tinimbalimo sosu'anon nu kuhat ka' madi'mo kinokaliangannyo.

YOSUA 24:12

Tempo'nyo belemiu nambamo nontumbuhi aha, pinolingung-Kumo na aha ka' nabuhukmo sahingga ua'aha na tomundo nu Amori haha aijo' nopalaimo nompala'i belemiu. Misa' bajak nu belemiu ka' mule' misa' pana' nu belemiu na nompo'untung belemiu nahampate.