MAZMUR 78:8 - KITAB NU TUMPU ALLA LELE MA'IMAI'

⁸ da aha madi'mo susumo mompolee' nu aha anu mongka'ima'i saja' motomuhuk ka' mingkalakuan palagenta; tulunan anu madi' totu-totu'u palesaya ka' madi' tulu-tulutan hi Tumpu.

MAZMUR 78:8 ပူးပေါင်းရင်းမြစ်များ

2 TOMU-TOMUNDO' 17:14

Panyo Israel ka Yehuda madi' mongka'oho' mohongo. Aha talalo panggaga susumo mompolee' nu aha anu madi' palesaya hi Tumpu, Tumpu Allah nu aha.

2 TAWARIKH 12:14

I Rehabeam nombaumo anu ma'idek kalana ia madi' binala'usaha mombau anu nuka'ima'i nu Tumpu.

2 TAWARIKH 19:3

Panyo mau mule' sumo aijo' daagi' ahi' ko anu ma'ima' hi belento Tomundo. Belento Tomundo nongalinimo iwi-iwi' na Patong Pilogot boune Asyera, anu nu sombah nu mian da'isan ka' belento Tomundo mule' nombaumo sa'angu' na usaha da tumuu' mombatuki pongka'oho' nu Tumpu Allah.”

2 TAWARIKH 20:33

Panyo tampat ponsomban pilogot madi' ingideannyo. Mian da'isan suele ma'isa buke-buke' na kinyonyoa nu aha monsombah Tumpu nu mompolee' mae nu aha.

2 TAWARIKH 30:19

“O Tumpu, Tumpu Allah anu nusombah nu mompolee' mami, otaha'imani mami na kanonongan nu kinyonyoa nu Belento mongampuni aha anu hau-haunyo monsombah belento totu-totu'u na kinyonyoanyo, maumo aha ma'isa nomposusi' butong nu aha.”

2 TAWARIKH 30:7

Boli sumo mompolee' nu belemiu ka' to mia-mian nu Israel sangga'at anu madi'mo tulu-tulutan hi Tumpu Allah nu aha. Pinosi toamo nu belemiu mosia na koboatnyo na Ia nohukumo aha.

AYUB 11:13

O Ayub, pobelesimo na kinyonyoa nu beleyum, ka' pompele-pele'mo! Balado'amo hi Tumpu Allah!

MAZMUR 106:7

Tempo'nyo kiijo' mae i Mesir mompolee' mami madi' mangalati'; kalaja nu Belento anu talalo hondo okabangangi, madi' nusumbu' nu aha. Kinolilimanmo nu aha na kalibosan nu Belento anu nolabi-labimo, ka' anu koko Ambai Gelagah, aha notomuhukmo hi Anu Matangkas na Kuasanyo.

MAZMUR 68:6

Tumpu anu jojoong i Laigan-Nyo anu susi' tuuma nu anak anu inguanonmo madi'mo ko tuumanyo ka' tinanyo, ka' anu saja' mompalahatikan to mia-mian binalumo.

MAZMUR 78:37

Aha madi' tulu-tulutan hi Ia, ka' madi' montoongi palajanjian-Nyo.

MAZMUR 78:40

Talalomo ahi' na aha saja' notumuhuk hi Ia, ka' nonsakiti kinyonyoa-Nyo tempo'nyo aha kiijo' mae i tampat padang anu mateges.

MAZMUR 78:56

Panyo aha notomuhukmo ka' nonguji'mo Tumpu Anu Matangkas na Kuasanyo, palentah-Nyo iwi-iwi' madi'mo tinulutan nu aha.

NOSABATMO 32:9

Ku sumbu' na bansa aijo' talalo hondo panggaga.

NOSABATMO 33:3

Belemiu mambamo mokiijo' i tano' anu kaya ka' molumba'. Panyo Aku madi' mamba tiba belemiu da belemiu madi' Ku silakai i tonga' nu jalan, kalana belemiu te bansa anu panggaga hondo.”

NOSABATMO 34:9

Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

YESAYA 30:9

Kalana, aha aijo' sa'angu' na bansa anu saja' mongka'oho' motomuhuk hi Tumpu, saja' baleko', ka' madi' mongka'oho' mompotombihing pangajalan nu Tumpu.

YEHEZKIEL 20:18

Ka' mule' to ana-anak nu aha anu daagi' to oli-olitau ka' to lalangkoyang aijo' hi aha pinokinde'an-Kumo sumo uuka, ‘Bolimo daagi' montuluti atulan-atulan anu binau nu mompolee' nu belemiu. Bolimo daagi' mombau kabiasa'an nu aha ka' suele bolimo daagi' mohumimi'i butong nu belemiu monsombahmo pilogot nu aha haha aijo'.

YEHEZKIEL 20:8

Panyo aha madi' montuluti Aku ka' madi' mongka'oho' mohongo Aku. Aha madi' mongka'oho' mongalin iwi-iwi na patong nu aha anu okahegati aijo' ka' mule' madi' ahi mongka'oho' belenti na monsombah pilogot haha aijo' anu lengkat mae i Mesir. Tempo'nyo aha daagi' kiijo' mae, Aku sabenannyo mompotudunmo ahi' tambuha'-Ku hi aha.

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

PO'ULE' INGULIT 31:27

Ku sumbu' na aha talalo hondo panggaga ka' saja' moto'idek. Tempo'nyo aku daagi' tutuu' aha noto'idekmo hi Tumpu; apaa mule' saidi' mae, de aku silakamo!

PO'ULE' INGULIT 4:4

panyo belemiu anu sabole-bole tulu-tulutan hi Tumpu Allah nu belemiu, daagi' tumuu' sampe tempo' uuka aiya.

PO'ULE' INGULIT 9:13

Tumpu notatae mule' hi belengku, ‘Ku sumbu' na bansa aijo' talalo hondo panggaga.

PO'ULE' INGULIT 9:24

Salatan pe'e aku nonsumbu'mo belemiu, belemiu saja' madi' mohongo-hongo Tumpu.

YOSUA 22:15

Sahingga tinokamo na aha kiijo' i kajojoongan nu tulunan nu bansa Ruben, Gad tiba tulunan nu bansa Manasye i da'erah Gilead.

1 SAMUEL 8:8

Salatanmo pe'e aku nomboa mae aha nosabat lengkat mae i Mesir aha madi'mo pinalesaya hi belengku ka'nonsombahmo to pilo-pilogot ka' uuka aiya apaa na anu nu bau nu aha hi beleyum, aijo'mo na anu binaumo nu aha hi belengku.