MAZMUR 78:64 - KITAB NU TUMPU ALLA LELE MA'IMAI'

⁶⁴ To ima-imam nu aha pinateanmo nu bajak, to balu-balu nu aha madi'mo noko ala nontando'i.

MAZMUR 78:64 ပူးပေါင်းရင်းမြစ်များ

AYUB 27:15

To julu-julunyo anu daagi' tutuu' silakamo nu panyakit anu molele, ka' to balu-balunyo madi'mo mohangi aha.

YEHEZKIEL 24:23

Belemiu madi' lumajang de madi' mingkukumbung kabai madi' minsolop kabai madi' tumando' kabai madi' humang. Belemiu ko susa-susa'nyomo kalana dosa-dosa' nu belemiu atina'; belemiu mompaha soso-sosolimo samian ka' samian.

1 SAMUEL 4:11

Peti' Palajanjian nu Tumpu Allah ingagoanmo nu sampo bali' nu aha Israel, ka' ua-ua aha na anak i Eli, i Hofni tiba i Pinehas sinilakamo.

1 SAMUEL 4:17

Anu nomboa mae lele aijo' nontaami, “Israel nopalaimo kalana nahungku'mo hi aha mian Filistin. Kita nahungku'mo totu-totu'u manjoo'mo na mian sinilaka, ka' suele ua-ua aha na anak nu belento Tuuma, i Hofni tiba i Pinehas. Ka' Peti' Palajanjian nu Tumpu Allah suele ingagoanmo nu aha sampo bali'!”

1 SAMUEL 4:21

Anak aijo sinanggohannyo, i Ikabod kalana koonyo, “Tumpu Allah Anu Daka' na kuasanyo madi'mo jinojoong hi aha mian Israel” – alati'nyo nu potatae aijo', mongkona Peti' Palajanjian ingagoanmo ka' mule' moniannyo tiba langkai'nyo sinilakamo. Kalana aijo' aha notataemo “Tumpu Allah Anu talasanggo madi'mo jinojoong hi aha mian Israel kalana Peti' Palajanjian nu Tumpu Allah ingagoanmo”.