MAZMUR 78:58 - KITAB NU TUMPU ALLA LELE MA'IMAI'

⁵⁸ Aha madi'mo nohongo-hongo Tumpu Allah, tandanyo aijo'mo aha nombaumo tampat ponsomban pilogot, ka' ia madi'mo sinanang hi aha kalana patong nu aha haha aijo'.

MAZMUR 78:58 ပူးပေါင်းရင်းမြစ်များ

1 TOMU-TOMUNDO' 11:7

Aita i bungkutnyo sasu kabete'an Yerusalem ia nombaumo bau ponsomban Kamos pilogot nu aha mian Moab, ka' mule' bau ponsomban Molokh pilogot nu aha mian Amon – ohu-ohua' aijo' pilogot anu okabaati.

1 TOMU-TOMUNDO' 12:31

Ka' mule' i Yerobeam nompaka baumo mule' tampar sangga'at lewa' ponsomban pilogot i bungkutnyo ka' nohangkatmo to ima-imam anu ingala hi bubu' aha anu misa' lee' mae nu aha tulunan nu bansa Lewi.

2 TOMU-TOMUNDO' 17:9

Ka' nombaumo hahan anu madi' nu ka'i ma'i nu Tumpu, Tumpu Allah nu aha. Aha lewa'mo nombau tampat ponsomban pilogot i iwi-iwi' na kota' nu aha mau kota' anu to ise-ise', mau i kota' anu toto daka-daka'.

2 TOMU-TOMUNDO' 21:7

Pontandai Pilogot boune Asyera pino'una'nyomo i uno nu Laigan nu Tumpu, padahan tampat aijo' pinoto'imo nu Tumpu hi Daud ka' hi Salomo anaknyo momo'ane. “Laigan-Ku tiba kota' Yerusalem aiya, pinile'an-Kumo hi sampulu' ka' ohua' na tulunan nu bansa Israel, anu jojoong i da'erah aiya, aiyamo na tampat anu tinantukan-Ku salaku tampat ponsomban Aku.

2 TAWARIKH 21:11

Ka' mule' ia nombaumo to pia-piangkuka na tampat ponsomban pilogot i da'erah anu i bungkutnyo nu Yehuda ka' nonsaduakonmo mian da'isan nu Yehuda ka' nonsaduakonmo mian da'isan nu Yehuda Yerusalem binaladosa'mo hi Tumpu.

MAZMUR 79:5

O, Tumpu, sampemo toka sidu-sidutu' na Belento motambuha' ka' kinyonyoa nu Belento anu saja' madi' sanang hi kami sabole-bolehmo mook susumo apu?

MAZMUR 97:7

Iwi-iwi' na mian anu monsombah pilogot opopo'ambangmo, anu mongkabubuunakon to bala-balang anu madi' kogunanyo; iwi-iwi' na pilogot tolodadupumo monsombah i ahop nu Tumpu.

NOSABATMO 34:14

Boli monsombah pilogot sangga'at, kalana Aku, Tumpu, te Tumpu Allah anu madi' mongka'oho' opokakanakon tiba mau mule' pa' apaa.

YEREMIA 8:19

Hongo ahi' isongko-songko nalipu' kinolongnyomo kihis tiba haang nu bansangku mompokilawa, “Pa' madi'mo daagi' ko Tumpu kiita' i Sion? Iyamo mae na tomundo'nyo uuka aiya?” Tinaamanmo nu Tumpu, tomundo' nu aha, “Kadaka' belemiu tinolodadupumo monsombah to pilo-pilogot anu madi' hondo-hondo ko gunanyo? Kadaka' sinakitanmo nu belemiu na kinyonyoang-Ku nononsombahmo to pilo-pilogot?”

HOSEA 13:2

Sampe uuka aiya to mia-mian nu Efraim haha aijo' daagi saja mobau dosa' kalana aha nombaumo iwi-iwi' na patong salaka da osombah – patong anu tinanga'an nu akan nu mian ka' binau nu lima nu manusia. Aha notatae, “Sombahkonmo na koloban hi patong haha aiya!” Madi' minsoop i akan na mian mongooki patong anak nu sapi'!

IMAMAT 26:30

Ku honsuhimo na tampa-tampat pontalakanian nu belemiu aita' i puge'nyo, ka' mohobo'akonmo mezbah-mezbah nu belemiu, tampat pompapuan kamangian, ka' mombahetakonmo to bangke-bangke' nu belemiu, mokiijo' i bapilogotan nu belemiu anu nohobo'mo aijo'. Kalana nongkahumimi'imo,

NOMBILANGMO 33:52

belemiu tionyo ahi' molaa' iwi-iwi' na anu jojoong i lipu' aijo'. O idei iwi-iwi' na bapilogotan nu aha, anu batu na binau, ka' tambaga ka' mule' tampat bau ponsomban nu aha.

1 KORINTUS 10:22

Kabai o kita mongka'oho' mombau Tumpu ma'idekan na kinyonyoanyo? Te kita lebe mahoson molingkudui Tumpu?

PO'ULE' INGULIT 12:2

De belemiu ninsoopmo i lipu' aijo' belemiu tionyo ahi' mongidei tampa-tampat ponsomban aita' i bungkutnyo anu to tangka-tangkas ka' i puge'nyo iwi-iwi' ka' i patu nu kau' anu toto hohopo' na honnyo, tampat nu bansa anu jojoong ikiijo' monsombah to pilo-pilogot nu aha.

PO'ULE' INGULIT 12:4

De belemiu monsombahmo Tumpu Allah nu belemiu boli montiho susumo apaa na anu nubau nu mian haha aijo' monsombah to pilo-pilogot nu aha.

PO'ULE' INGULIT 27:15

Aha mian nu Lewi montaloakon: ‘Kutukiakon na mian anu mombau batu opotimbali patong, kau', kabai logam, ka' mule' oposuluk na monsombah ia; Nuka'ideki nu Tumpu na monsombah pilogot!’ Iwi-iwi' na mian da'isan montaami: ‘Amin!’

PO'ULE' INGULIT 32:21

Aha nonsaduakon aku da nontambuha'i anu misa' Tumpu Allah, ka' nontambuha'imo patong nu bapilogotan nu aha. Sahingga Ku potimbalimo na mian anu pinalesayamo hi beleng-Ku da mongka'idekimo anu misa' bansa, ka' montambuha'i bansa anu ponga'.

TO MIA-MIAN KOPIAN 10:6

Aha mian nu Israel po'ule' mule' binaladosa' hi Tumpu. Aha madi'mo mongkalinga Tumpu ka' madi'mo daagi' nonsombah Ia. Aha nonsombahmo to pilo-pilogot nu bansa Siria, Sidon, Moab, Amon tiba Filistin.

TO MIA-MIAN KOPIAN 2:17

Panyo aha madi' montapali polaya' haha aijo'. Aha nonsombahmo to pilo-pilogot sangga'at, ka' madi'mo nohongo-hongo Tumpu. Aha madi'mo nontuluti sonto' nu mompolee' nu aha anu tulu-tulutan hi palentah nu Tumpu iwi-iwi'.

TO MIA-MIAN KOPIAN 2:20

Kalana aijo' Tumpu nontambuha'imo hondo mian nu Israel, ka' notatae, “Aku nompalentahmo mompolee' nu bansa aiya da montoongi palajanjian-Ku hi aha. Panyo bansa aijo' nongkakabasakonmo palajanjian aijo'; aha nolanggaimo palentah-ngKu.

TO MIA-MIAN KOPIAN 3:19

Panyo i Ehud daagi' tinuminjo salatan tinokamo i batu anu pinaha botik koko Gilgal, lantas ninsusule'mo hi Eglon. Tempo'nyo aitu i Eglon kiijo' i uno nu salipi' anu ma'ima'an hondo aita' mae i bangkala'nyo. I Ehud notataemo hi Eglon, “Kita Tomundo Anu Opopodaka'! Posaihonto aiya momboa mae lele anu opohowini toka hi belento tuanku.” Sahingga i tomundo notatae, “Tanda'i pe'e,” lantas pinalentahnyomo na posaihonnyo iwi-iwi' da mosabat pe'e mompala'i ia ka' ola i Ehud sausa'nyo. Lapas aijo', i Ehud nongohanimo i tomundo anu hau-haunyo suha-suhang, lantas notataemo, “Daagi' ko lele lengkat mae hi Tumpu Allah toka hi belento tuanku!” Nohongo aijo', i tomundo tinuminjomo.