MAZMUR 78:49 - KITAB NU TUMPU ALLA LELE MA'IMAI'

⁴⁹ Ia nompotudunmo tambuha'nyo anu kino suhu-suhutmo i uno nu kinyonyoanyo, sahingga ia nonsaimo mae sanggombu na malaekat anu mompatei. Sahingga i hentemo na kinyonyoa nu aha madi'mo daagi' noko ala gawe.

MAZMUR 78:49 ပူးပေါင်းရင်းမြစ်များ

2 SAMUEL 24:16

Malaekat nu Tumpu anu nomboa mae balaa' kapatean aijo' tinoka-tokamo i tampat ponggilingan gandum anu i Arauna, mian nu Yebus. Salatan tinoa nu Tumpu na malaekat aijo' kahanda'mo mompatei mian nu Yerusalem, Tumpu nombali'imo tanga'an-Nyo, ka' Tumpu madi'mo nohukum bansa aijo'. Pinoto'i-Nyomo hi malaekat aijo', “Injahamo! Bolimo!”

AYUB 1:12

Jadi pinoto'imo nu Tumpu hi Anu Monggoda aijo', “Ma'ima'mo desumo itina', baumo pa' oposiamo na kakaya'an i Ayub iwi-iwi' asan boli oko mondoke ia.” Lantas Anu Monggoda aijo' nambamo pinala'iannyomo na Tumpu.

AYUB 20:23

Salatan ia tinasiagamo mongisi kompongnyo, tinambuha'anmo hondo nu Tumpu Allah na ia ka' i hukum-Nyomo.

MAZMUR 11:6

Mian anu ma'idek na kinyonyoa-Nyo nu hukum nu balaa' nu Tumpu, tiba apu, belelang, ka' mombun anu montoyo'i.

NOSABATMO 12:13

Baso' anu i sabatan nu laigan nu belemiu bau pontandai laigan haha atina' kajojoongan nu belemiu. De Ku toamo na baso' aijo' belemiu so'mo Ku liu-liu ka' madi' Ku silakai de Aku mohukumo Mesir!

NOSABATMO 15:7

Tiba katalasanggoan nu Belento anu daka' hondo Belento nohopu'imo iwi-iwi' na anu nongewamo Belento Pusa nu Belento talalomo hondo kino juhu-juhut susumo apu ka' nompapuimo aha susumo hat.

YESAYA 42:25

Sahingga binau-Nyomo nakita da nonta'up tambuha'-Nyo anu taha-tahahumo, ka' nongoa'imo kasansala'an kalana talalomo ahi' na lewa' nahampate. Tambuha'-Nyo nontoyo'imo Israel susumo apu, panyo kita madi' ahi' sininsumbu', ka' madi' binalagulu' ihan anu ingoa'antomo.

MOHAANGI 4:11

Tumpu nompopiamo kapusan-Nyo ka' nompapuimo kota' Sion sampe i lata tiba tano'.

ZEFANYA 3:8

Panyo jaga mae! Tanda'imo na sinaanyo. Aku tuminjomo susumo anu mongkalak. Kalana pinutusan-Kumo da oposihukmo na to bansa-bansa tiba to kala-kalaja'an da Ku pokonamo na tambuha'-Ku hi aha. Songko-songko na dunia mingkotmo nu kaan nu apu nu tambuha'-Ku.