MAZMUR 78:42 - KITAB NU TUMPU ALLA LELE MA'IMAI'

⁴² Aha madi'mo nongka'ima'i kakuasa'an-Nyo i sinaa tempo'nyo ia nomposalamatmo aha madi' pinatean nu anu nongewa aha.

MAZMUR 78:42 ပူးပေါင်းရင်းမြစ်များ

MAZMUR 106:21

Aha nongkolilimimo Tumpu anu nomposalamatmo aha, anu nombaumo hahan anu daka' hondo tempo'nyo kiijo' mae i Mesir.

MAZMUR 78:11

Aha mongkolilimimo anu lewa'mo binaunyo, ka' hahan anu okabangangi pipinotoa-Nyomo hi aha.

NOSABATMO 13:9

Lamean aiya bau pompotuka hi belemiu salaku tanda anu oposegot i lima nu belemiu kabai i siakan nu belemiu. Lamean aiya mompotuka' belemiu da saja' montaloakon ka' monggulu'i to Atu-atulan nu Tumpu, kalana Tumpu nonsabatakonmo mae belemiu lengkat i Mesir, nu kuasa-Nyo anu daka'.

NOSABATMO 14:12

Uuka mae kiijo' i Mesir tinaloakonmo mami pinoto'i mami han anu sumo aiya tionyo jadi! Ginagakonmo mami da beleyum boli mompagala monsale'i kami, pakalaus bakasmo ahi' da kami saja'mo timbali botuan kiijo i Mesir. Sahanyo timbali botuan kiijo' mae ka' de mule' ola mate i padang bolaa aiya!”

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YEREMIA 32:21

Tiba kuasa ka' kahosonan nu Belento anu daka' aijo' Belento nomboamo mian nu Israel nosabat lengkat mae i Mesir. Belento nombaumo hahan anu okabangi tiba hahan anu okahelani tiba hahan anu jinadimo nonompotolokengkengmo aha sampobali'.

TO MIA-MIAN KOPIAN 8:34

Aha madi'mo daagi' nonsombah Tumpu Allah, aijo'mo Tumpu nu aha nompolapasmo aha tempo'nyo kinuasan nu sampobali' iwi-iwi' nu aha anu montikubi mae aha.