MAZMUR 78:22 - KITAB NU TUMPU ALLA LELE MA'IMAI'

²² kalana aha madi'mo pinalesaya hi Tumpu, hi kuasa-Nyo anu moko ala momposalamat aha.

MAZMUR 78:22 ပူးပေါင်းရင်းမြစ်များ

2 TOMU-TOMUNDO' 17:14

Panyo Israel ka Yehuda madi' mongka'oho' mohongo. Aha talalo panggaga susumo mompolee' nu aha anu madi' palesaya hi Tumpu, Tumpu Allah nu aha.

MAZMUR 106:24

Lapas mae aha madi'mo nongka'ima'i lipu' anu ma'ima'an hondo aijo', kalana madi'mo pinalesaya hi janji' nu Tumpu.

YESAYA 7:9

Israel madi' lebe mahoson molingkudui Samaria puso nu kota'nyo, ka' mule' Samaria madi' lebe mahoson molingkudui i Tomundo' Pekah. De belemiu madi' totu-totu'u palesaya hi beleng-Ku memang belemiu madi'mo moko ala totahan.”

ZEFANYA 3:2

Silakamo na kota' anu madi' mongka'oho' montalima pokinde' nu Tumpu ka' madi' mule' mompalahatikan apaa na anu Nu tewa' boli obau, ka' anu madi' mongasanakon nasipnyo hi Tumpu ka' madi' momoita tulung hi Ia!

PO'ULE' INGULIT 1:32

Panyo mau pe'e belengku no tataemo sumo aijo komiu maisa pe'e mongka'oho palesaya hi Tumpu Allah miu,

IBRANI 11:6

De madi' bala'iman, madi' ko samian pe'e timbali moko ala momposanang kinyonyoa nu Tumpu. Kalana mian anu toka hi bele nu Tumpu tionyo ahi' palesaya saba' Tumpu daagi', ka' Tumpu mombalosije mian anu molio Ia.

IBRANI 3:12

To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!

1 YOHANES 5:10

Kalana aijo', mian anu palesayamo hi Anak nu Tumpu nontalimamo anu sinakisian aijo' i uno nu kinyonyoanyo; panyo mian anu madi' mompalesaya Tumpu, mombata-bataimo au'aitu Tumpu baleko', kalana ia madi' palesaya apaa na anu pinoto'imo nu Tumpu mongkona Anak-Nyo.

YUDAS 1:5

Iwi-iwi' aijo' sinumbu'mo miu. Panyo aku kahanda' mompotuka' hi komiu mosia na Tumpu nomposalamatmo mian nu Israel lengkat mae i lipu' Mesir, panyo lapas mae nonsilakaimo to mia-mian anu madi' palesaya, anu aijo' hi bubuu' aha.