MAZMUR 78:20 - KITAB NU TUMPU ALLA LELE MA'IMAI'

²⁰ Memang Ia nonsapahimo bungkutnyo nu batu anu mokut hondo, sahingga uee no'ilimo mabohos hondo. Panyo Nupoko ala ahi' suele montoukai roti ka' mombee'i antok nu binatang hi mian anu palesayamo hi Ia?”

MAZMUR 78:20 ပူးပေါင်းရင်းမြစ်များ

MAZMUR 78:41

Saja'mo ahi' na aha nonsobai Tumpu nongideimo kinyonyoa nu Anu Susi' hondo, Tumpu nu aha Israel.

NOMBILANGMO 11:18

Poto'imo uuka aiya hi bansa aijo'. Posusi'mo na butong nu belemiu dodop; belemiu mongkaanmo ponoha'. Tumpu nohongomo belemiu i humang ka' nososon, kalana belemiu ka'oho'mo mongkaan antok nu binatang ka' kantumuu'an nu belemiu lebemo sanang molingkuduimo tempo'nyo i Mesir. Uuka aiya Tumpu mombee'imo belemiu antok nu binatang, ka' okaanmo nu belemiu.

NOMBILANGMO 11:4

Aha namba na mian nu Israel haha aijo', daagi' ko to mia-mian anu lengkat mae i Salipu'an na nombatuki. Aha aijo' mongkahanda'i hondo mongkaan ponoka', ka' mian nu Israel suele nontampu'unimo nososon. Aha notatae, “Yoh, soba pa' ko ponoha' hi kita!

NOMBILANGMO 20:11

Lantas i Musa nohangkatmo tokon aijo' ka' nonsapahi bungkutnyo nu batu aijo' pininduan. Sahingga i lubatmo mae na uee mabohos hondo, sahingga mian iwi-iwi' ka' potuu'on nu aha nonginumo.