MAZMUR 78:13 - KITAB NU TUMPU ALLA LELE MA'IMAI'

¹³ Ia nongga'atmo ambai namba poti-potimbiha' lantas nontaapakonmo aha; uee pinotinjo-Nyomo susumo bandungan.

MAZMUR 78:13 ပူးပေါင်းရင်းမြစ်များ

MAZMUR 38:7

Aku dinumukumo ka' tinadungkungmo sansina-sinaa aku mangkuyumo ka' sinusa'mo na kinyonyoa.

MAZMUR 66:6

Ambai ingabali'-Nyo tinimbali tano' anu kinantisanmo, mompolee' mami notaapmo nokiijo' i santoanyo i lumajang tengke. Sahingga kami i lame'mo kalana palabuatan-Nyo.

NOSABATMO 14:21

Lantas tinangkakonmo i Musa na limanyo nokiijo' i ambai, sahingga Tumpu nompotimbalimo baleba' nu kabete'an anu makansang hondo so'mo nompuuhakon sahingga ambai nokekesmo. Sinampahu na pinuuhan nu baleba' aijo' sahingga ambai nongabali'mo, tinimbalimo katano'an.

NOSABATMO 14:22

Uee nobagimo ohua', ka' salatan mian nu Israel notulumo i ambai anu noti-notiismo, aha i lumajangmo i lananyo, ka' uee i sohipi' koanan ka' kowi sumomo mesen anu matangkas.

NOSABATMO 14:29

Panyo tempo'nyo aha mian nu Israel notulumo i lananyo nu ambai noti-notiismo, aha i lumajang uee sumomo mesen anu matangkas i kowi ka' koanan.

NOSABATMO 15:8

Ambai pinuuhanmo nu Belento, uee ningkalulunmo tinimbalimo natangkas, tinuminjomo hodi-hodi' susumo pagan mesen, sahingga lana nu ambai timbalimo otului.

YESAYA 63:12

Iyamo mae na Tumpu anu nonsangaluimo i Musa, nu lima-Nyo maho-mahoson hondo ka' nombagimo ohua' na uee i ahop nu aha da sanggo-nyo talasanggo sampe toka sidu-sidutu'?

YESAYA 63:13

Iyamo mae na Tumpu anu nolaya'mo aha ilumajang notulu i uee anu maleeng? Susumo ajahan notulu ipang tampat anu mateges aha madi' ahi' toho' tinosumpun.”

HABAKUK 3:15

Ajahan nu Belento binaumo pinompahampeja'akon ambai anu ewa hondo ka' ndalangon anu kinampute'anmo na buha'nyo.

YOSUA 3:13

Jadi de saidi' mae to ima-imam anu molemban Peti' Palajanjian nu Tumpu mompeja'mo na tengkenyo Kaunyo nu Yordan aijo', ueenyo madi'mo mo'ili, uee anu lengkat mae i matanyo tongompomo i sa'angu' na tampat.”

YOSUA 3:16

tempo'nyo aijo' uee aijo' madi'mo mo'ili. Majo'on hondo aita' mae i sasu matanyo, ueenyo nosa'angu'mo i Adam sa'angu' na kota anu i sasu kota Sartan. Uee anu sasu tuntulannyo anu mo'ili mokaiyong i Ambai Mate suele madi'mo ahi' no'ili, sahingga aha mian nu Israel notaapmo i tano' anu notismo anu mompaha ahop kota nu aha Yerikho. To ima-imam anu nolemban Peti Palajanjian aijo' tataap tinuminjo i totonga' nu kaunyo sahingga iwi-iwi' na aha mian nu Israel tinokamo aijo' mae i santoanyo.