MAZMUR 78:12 - KITAB NU TUMPU ALLA LELE MA'IMAI'

¹² I ahop nu mompolee' nu aha, Tumpu nombaumo anu okabangangi i lipu' nu Mesir, i i hatanyo nu Zoan.

MAZMUR 78:12 ပူးပေါင်းရင်းမြစ်များ

KAJADIAN 32:3

Lapas aijo' i Yakub nonsaimo tinopia-piangkuka na anu i lumajang mamba pe'e i moona i lipu' Edom da singkabot i Esau, utusnyo tu'a.

2 TOMU-TOMUNDO' 17:7

Samaria pinatundu'mo kalana mian nu Israel binaladosa'mo hi Tumpu, Tumpu Allah nu aha nomposalamatmo aha da madi' pinatean i tomundo' Mesir, ka' nomboa aha nosabat lengkat mae i lipu' aijo'. Aha nonsombahmo to pilo-pilogot sangga'at,

NEHEMIA 9:10

Kona hi tomundo' Mesir binaumo nu Belento na hahan anu opalias. Ka' suele kona hi mian anu kopangkat ka' mule' hi mian da'isan anu i lipu' nu aha, kalana osumbu' nu Belento mosia na mian anu palesayamo hi Belento, sisinakisamo nu aha. Lantas tinalasanggomo na sanggo nu Belento sampe sinaa uuka aiya.

MAZMUR 106:22

Opalias hondo na anu binau-Nyomo i lipu' aijo', okabangangi hondo na anu binaunyomo i Ambai Gelagah.

MAZMUR 135:9

Kiijo' mae Ia nombaumo manjoo' na anu okabangangi ka' tanda bau pohukum tomundo' ka' iwi-iwi' na pagawe-Nyo.

NOSABATMO 7:1

Tumpu notatae hi Musa, “Ku potimbalimo na beleyum sumo Tumpu Allah i ahop i tomundo, ka' utus nu beleyum i Harun na basisik hi ia salaku nabi nu beleyum.

YESAYA 19:11

Memang pikok ahi' na to pola-polaya' nu kota' Zoan! Aha mian nu Mesir anu pande hondo nombee'imo pokinde' anu madi' totu'u! Baani hondo na aha motatae hi tomundo' tukoonyo aha lee' mae nu to tomu-tomundo' tempo'nyo nai puan mae!

YESAYA 19:13

Aha to pola-polaya' nu Zoan tiba Memfis singkap to mia-mian anu pikok. Aha na misa' ahi' to pola-polaya', panyo ola mule' ahi' momposala' jalan nu aha bansanyo.

YEHEZKIEL 30:14

Songko-songko na Mesir sasu salatan Ku pojadimo liing hondo ka' mule' kota' Soan anu sasu utara Ku papumo,

NOMBILANGMO 13:22

Momonanyo aha nokiijo' i sasu selatan lipu' aijo' ka' tinokamo i kota Hebron, jojoongan nu aha mian Ahiman, Sesai ka' Talmai, lee' mae i Enak. Hebron pinotinjo popitu'mo na taun na kinopinnyo ma'isa pe'e ko kota Zoan kiijo' mae i Mesir.

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

PO'ULE' INGULIT 6:22

Sinakisianmo mami na Tumpu nombau anu okabangangi ka' hahan anu okabuhuk hondo jinadimo hi aha mian Mesir ka' hi tomundo nu aha ka' suele hi iwi-iwi' na anu ko pangkatnyo.

YOSUA 9:9

Aha nontaami, “Kami lengkat mae i lipu' anu majo'on hondo, kita Tuuma, kalana kami nohongomo lelenyo nu Tumpu Allah anu osombah nu belento Tuuma. Ihongomo mami na anu binau-Nyomo iwi-iwi' kiijo' mae i Mesir,