MAZMUR 77:12 - KITAB NU TUMPU ALLA LELE MA'IMAI'

¹² Aku tinolo'inau'mo hi palabuatan-palabuatan nu Belento Tumpu, nompotutugakonmo hahan anu binaumo nu Belento ka' okabangangi tempo'nyo naipuan mae.

MAZMUR 77:12 ပူးပေါင်းရင်းမြစ်များ

MAZMUR 104:34

O' amalakon da nyanyianku sanang na ia mohongo, kalana Iamo na nompolame' kinyonyoangku.

MAZMUR 105:2

Onyanyi na nyanyian anu bau pompuji' Tumpu, polele iwi-iwi' na anu binau-Nyomo, anu nompobangangmo mian.

MAZMUR 105:5

O, lee' mae i Abraham, posaihonnyo, ka' lee' mae i Yakub, mian anu pinile'an-Nyomo, boli okolilimi na anu binaunyomo iwi-iwi' apaa na anu nompobangangmo mian, sabole-boleh o'inau' apaa na anu tinantu kan-Nyomo.

MAZMUR 119:52

Ku inau' na atulan nu Belento anu polo-polo'mo daagi' salatanmo pe'e naipuan mae, sahingga sinanangmo na kinyonyoangku, o, Tumpu.

MAZMUR 143:5

Ku inau' hondo na kantumuu'anku i sinaa anu i hikuhakonmo: ku popikilakon iwi-iwi' apaa na anu binaumo nu Belento, ku tutugi iwi-iwi' apaa na anu binaumo nu Belento.

MAZMUR 145:11

Aha mompopodaka'mo kuasa nu Belento salaku Tomundo', ka' monsisikmo kabaanian nu Belento.

MAZMUR 145:4

Molundu-lundu na tulunan nu mian mompuji'mo apaa na anu binaumo nu Belento, ka' mombebaakonmo kabaanian nu Belento.

MAZMUR 71:24

Sansina-sinaa ku bebakon na ka'adilan nu Belento, kalana to mia-mian anu kahanda'mo monsilakai mae aku pinatundu'moka' pinopo'ambangmo.

YESAYA 63:11

Lantas tinonginau'mo tempo'nyo naipuan mae tempo'nyo i Musa, posaihon nu Tumpu. Aha nompokilawamo, “Iyamo mae na Tumpu anu nolaya'mo to pola-polaya' nu aha mian anu pa lesayamo hi Ia notulu i ambai? Iyamo mae na Tumpu anu nombee'mo kuasa-Nyo hi aha?

PO'ULE' INGULIT 6:7

Opogulu'akon hi to ana-anak nu belemiu. Belemiu tionyo ahi' mombisalakon i uno nu laigan, kabai i sambiha'nyo nu laigan, tempo'nyo milawe ka' tempo'nyo mokalaja.

PO'ULE' INGULIT 7:18

Panyo boli okabuhuk na aha; o' inau' apaa na anu binaumo nu Tumpu Allah nu belemiu hi tomundo nu Mesir ka' hi iwi-iwi' na layatnyo.

PO'ULE' INGULIT 7:19

O' inau' na to bala-balaa' anu okabuhuk hondo anu pinosi sakisianmo nu belemiu, batu-batu anu okabangangi, ka' kakuasa'an anu daka' na binaumo nu Tumpu Allah nu belemiu, kalana kahanda' mompobebas belemiu. Sumo aijo' suele na Tumpu Allah mombau iwi-iwi' na bansa anu okabuhuk miu.