MAZMUR 77:11 - KITAB NU TUMPU ALLA LELE MA'IMAI'

¹¹ Lantas aku notataemo, “Aiyamo na anu monsakiti kinyonyoangku, tukoongku Anu Matangkas na Kuasa-Nyo madi'mo daagi' balakuasa.”

MAZMUR 77:11 ပူးပေါင်းရင်းမြစ်များ

KAJADIAN 24:63

Salatan mamalomo, ia nosabatmo i kemahnyo kahanda' kolalaajang i ale', lantas tinoanyomo na unta haha aijo' tinokamo mae.

1 TAWARIKH 16:12

O lee' i Yakub posaihon nu Tumpu Allah! O lee' nu aha Israel, mian anu pinile'an-Nyomo! Boli okolilimi iwi-iwi' apaa na anu okabangangi anu binaunyomo, boli okolilimi iwi-iwi' apaa na anu tinantukan-Nyomo.

MAZMUR 105:5

O, lee' mae i Abraham, posaihonnyo, ka' lee' mae i Yakub, mian anu pinile'an-Nyomo, boli okolilimi na anu binaunyomo iwi-iwi' apaa na anu nompobangangmo mian, sabole-boleh o'inau' apaa na anu tinantu kan-Nyomo.

MAZMUR 111:4

Tumpu aijo' pangkalibosi ka' manonong hondo, Ia nombaumo hahan anu okabangangi da kita sabole-boleh ahi' monginau'.

MAZMUR 143:5

Ku inau' hondo na kantumuu'anku i sinaa anu i hikuhakonmo: ku popikilakon iwi-iwi' apaa na anu binaumo nu Belento, ku tutugi iwi-iwi' apaa na anu binaumo nu Belento.

MAZMUR 28:5

Aha madi' mompajuli palabuatan nu Tumpu, kabai pa' apaa na anu binau-Nyomo. Sahingga ihukum-Nyomo na aha ka' nonsilakaimo aha sampe toka sidu-sidutu'.

MAZMUR 77:10

Pa' kinolilimanmo nu Tumpu na mongkalibosi? Pa' notambuha'mo na Ia, sahingga madi'mo daagi' ko kalibosan?”

MAZMUR 78:11

Aha mongkolilimimo anu lewa'mo binaunyo, ka' hahan anu okabangangi pipinotoa-Nyomo hi aha.

NOSABATMO 15:11

Iya na Tumpu Allah sangga'at anu moko ala mohungku'i Belento, o Tumpu Anu Talasanggo hondo ka' anu susi'? Ihe na moko ala mombau anu okabangangi ka' mombau palabuatan anu daka' susumo Tumpu?

YESAYA 5:12

I bau-bauon nu belemiu ko onyi' nu kasapi', gambus, gandang ka' mule' puloit ka' mule' inumon anggur. Panyo belemiu madi' mompajuli apaa na anu kinalajamo nu Tumpu tiba anu binau-Nyomo.