MAZMUR 77:10 - KITAB NU TUMPU ALLA LELE MA'IMAI'

¹⁰ Pa' kinolilimanmo nu Tumpu na mongkalibosi? Pa' notambuha'mo na Ia, sahingga madi'mo daagi' ko kalibosan?”

MAZMUR 77:10 ပူးပေါင်းရင်းမြစ်များ

AYUB 42:3

Belento nompokilawamo hi belengku, kadaka' aku baanimo na mombata-batai kapandean nu Belento bapikin padahan madi' ko anu ku pisumbu-sumbu'. Aku ola nombisalakon hahan anu madi' ku sumbu' aijo'mo hahan anu talalo hondo ku kabangangi aiya.

MAZMUR 116:11

De aku bingungmo aku motataemo, “Madi'mo ko samiannyo na timbali opalesaya.”

MAZMUR 31:22

O puji' na Tumpu' Talalo ahi' okabangangi na kalibosan-Nyo hi belengku, tempo'nyo aku tinikumo ka' tinumbuhanmo.

MAZMUR 73:22

aku pinonga'mo ka' madi'mo nangalati' aku sumomo binatang i ahop nu Belento.

MAZMUR 77:5

Nu pobikayaonmo mae nu Tumpu na aku da madi' moko ala to hoyot pihi kinyonyoangku madi'mo sanang sahingga madi'mo moko ala motatae.

NOSABATMO 15:6

O Tumpu, kahosonan nu Belento talalo hondo okabangangi, binaumo nu Belento na anu monsampobali' nosungke-sungkehetmo.

YESAYA 63:15

O, Tumpu, toa mae mo uuka atina' i suluga', lengkat mae atina' ikajojoongan nu Belento anu susi' ka' talasanggo. Iyamo mae na kalibosan tiba kabaanian nu Belento? Iyamo mae na kanonongan tiba kalibosan nu Belento? Boli mae montahan aijo', bee'mo mae hi kami.

MARKUS 9:24

Lau-laus tuumanyo aijo' noloboo', “Tuuma, aku palesaya, panyo palesayangku anu totu-totu'u ola sangkiding. Tulungimae na aku da aku lebe palesaya!”

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.