MAZMUR 76:9 - KITAB NU TUMPU ALLA LELE MA'IMAI'

⁹ Itina' mae i langit pinoto'imo mae nu Belento na kaputusan nu Belento; dunia nabuhukmo ka' nomohokotmo.

MAZMUR 76:9 ပူးပေါင်းရင်းမြစ်များ

MAZMUR 149:4

Tumpu mongka'ima'i hondo mian anu palesayamo hi Ia; Ia mombee'i ka'untungan mahampate hi mian anu madi' buulon.

MAZMUR 25:9

Tumpu na mompotingaan mian anu madi' kobubuun, ka' mompokinde'imo aha mosia na pongka'oho'-Nyo.

MAZMUR 72:4

O'amalakon da i tomundo' montinjohi hak nu mian anu nu palentah, montulungi to mia-mian anu kasiasi ka' mompatei anu lewa' monsakisa aha.

YESAYA 11:4

Mian anu kasiasi adin hondo na ia montantukan kaputusannyo, mian anu madi' monsumbu' apa-apaa na ulusan nu tinjohi ka' madi'; kopikilan tageo' hi mian aijo'; mian anu kokasala'an obee'i hukuman, mohongo palentahnyo, mian anu ma'idek na kinyonyoanyo nu patei.

YEREMIA 5:28

Ka' nolompo'mo ka' sinanangmo na kantumuu'an nu aha. Palabuatan nu aha anu ma'idek madi'mo ko batasnyo. Aha madi'mo kino ka adinan i uno nu palakala mongulus to ana-anak anu madi'mo ko tuumanyo tiba tinanyo, ka' madi' mompototu'uakon hak nu to mia-mian anu saja'mo osuka-sukai na mompalentah.

HABAKUK 2:20

Tumpu kiijo' i uno nu Laigan-Nyo anu susi'; tionyo ahi' iwi-iwi' na mian i dunia aiya boli manjoo' na katalangan i ahop-Nyo.

ZEFANYA 2:3

Pobalikmo mae hi Tumpu o mian iwi-iwi' anu madi' buulon ilipu' aiya, ka' mule' mian iwi-iwi' anu montuluti palentah-Nyo. Soba pombau apa-apaa mombatuki pongka'oho' nu Tumpu ka' bolimo ko bubuun i ahop-Nyo. Ihe na monsumbu' belemiu opoluputmo ihukuman de tokamo na sinaanyo nu Tumpu mompotoa tambuha'-Nyo.

NOMBILANGMO 12:4

Mamanga ahi' Tumpu notataemo hi Musa, hi Harun ka' hi Miryam, “Belemiu totototolu' mamba pe'e mae i Kemah-Ku.” Lantas aha nambamo nokiijo',

MATIUS 5:5

Bila-bilahi na mian anu madi' ko tige-tige; Tumpu tionyo mongganapije janji'-Nyo hi aha!

1 PETRUS 3:4

Panyo belemiu handa tionyo ahi' molengkat mae i uno nu kinyonyoa, kalakuan anu tobos ka' madi' solaa' hengge'; aijo' ahi' na handa anu sampe toka sidu-sidutu' ka' anu talalo ko angga'nyo i pontoan nu Tumpu.