MAZMUR 76:12 - KITAB NU TUMPU ALLA LELE MA'IMAI'

¹² Ganapimo na anu jinanji'mo hi beleyum hi Tumpu nu beleyum. Tionyo ahi' iwi-iwi' na bansa anu ohani na kajojoongannyo momboamo palasombahannyo hi Tumpu anu okabuhuk.

MAZMUR 76:12 ပူးပေါင်းရင်းမြစ်များ

2 TAWARIKH 32:21

Lantas sinaimo nu Tumpu na nabi samian nompatei to sulu-suludadu nu aha Asyur ka' mule' to sulu-suludadu anu toto tangka-tangkas na pangkatnyo nu aha Asyur haha aijo'. Kalana talalomo hondo na'ambang na i tomundo Asyur sahingga ia ninsusule'mo i lipu'nyo. Daagi' kino sansinaan ia hau-haunyo kiijo' i laigan nu pilogotnyo, pa' aha sangkuka na anaknyo tinokamo mae nompatei ia nu bajak.

MAZMUR 2:10

Jadi intomakon, o to tomu-tomundo', boli okolilimi, o belemiu iwi-iwi' anu montoongi kakuasa'an nu dunia!

MAZMUR 2:5

Lantas notambuha'mo na Ia ka' sinegan-Nyomo na aha, ka' tinolokengkengmo kalana Ia notambuha'mo.

MAZMUR 47:2

Pohapa'i lima lame-lame', o iwi-iwi' na bansa! Opuji' na Tumpu ka' pontaligalai!

MAZMUR 50:14

Palasombahkon na koloban bau pontalima kaseh hi Tumpu, tionyo ahi' nu ganapi' na anu jinanji'mo nu belemiu Anu Matangkas na Kuasa-Nyo.

MAZMUR 68:12

Tumpu nompalentahmo, lantas to boboune nompolelemo:

MAZMUR 68:35

Akuimo na kakuasa'an nu Tumpu anu mongkuasai aha bansa Israel, kuasa-Nyo toka-toka kiita' mae i langit.

YESAYA 24:21

Tempo'nyo aijo' Tumpu mohukumo to mia-mian anu balakuasa aita' ilanga tiba to tomu-tomundo' idunia aiya.

IMAMAT 23:38

Lamean haha aijo' salaku bau pontuangi sinaa nu Sabat anu bia-biasamo, jadi palasombahan haha aijo' suele mompaka tuangi anu bia-biasamo saja' obee' nu belemiu, i koloban nu belemiu pontobus anu jinanji'mo, kabai koloban kalana kasanangan nu kinyonyoa anu binee'mo nu belemiu hi Tumpu.

ZEFANYA 3:6

Tumpu notatae, “Aku nohopu'imo manjoo' hondo na bansa; to kota-kota' nu aha ihansunan-Kumo ka' iwi-iwi' na pagan mesen tiba iwi-iwi' na laigan tangka-tangkas pontanggalakonan nu aha mian Ku pojadimo kahansunan. Iwi-iwi' na kota' nu aha liingmo madi'mo ko anu jojoong ka' mule' iwi-iwi' na jalan madi'mo ko miannyo.

YOSUA 5:1

Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.

ANU PINOTO'I HI YOHANES 6:15

Lantas to tomu-tomundo i dunia, ka' to mia-mian daka', ka' pangkat-pangkat daka' nu suludadu, to mia-mian anu kaya ka' mian anu ko kuasa, ka' to mia-mian sangga'at, mau posaihon, mau anu misa' posaihon, iwi-iwi' naninsulukmo i uno nu liang ka' i olotnyo nu batu i bungkutnyo.