MAZMUR 76:10 - KITAB NU TUMPU ALLA LELE MA'IMAI'

¹⁰ Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

MAZMUR 76:10 ပူးပေါင်းရင်းမြစ်များ

KAJADIAN 50:20

Belemiu nomposa'angu'mo tanga'an sahingga mombaumo idek hi belengku, panyo Tumpu Allah nombali'imo, ka'idekan aijo' tinimbalimo ka'ima'an, da apaa na anu jinadimo naipuan mae aijo' da'isan na mian anu tumuu' uuka aiya pinosalamatmo.

MAZMUR 104:9

Tinantukanmo nu Belento na potempasannyo anu madi' timbali nu tului, da bolimo po'ule' moletabi dunia.

MAZMUR 12:6

Tumpu notatae, “Mian anu kasiasi binee'anmo kasansala'an, ka' miana nu sinansalamo nongkalakmo. Jadi uuka aiya Aku tinokamo mae mombee'i ka'ima'an da sanangmo na kinyonyoa nu aha anu saja'mo ingindi nu aha.”

MAZMUR 46:6

Tumpu jojoong kiita' mae, sahingga kota aijo' madi' hansun; Ia na montulungi mae salatan jingka bete'mo mae.

MAZMUR 65:7

Kalana kahosonan nu Belento, pinotinjomo nu Belento, na to bungku-bungkutnyo bau pompotoa kakuasa'an nu Belento anu moko ala hondo mombau apa-apaa.

MAZMUR 82:8

Tokamo mae o Tumpu, bee'i mae kaputusan na dunia aiya, kalana iwi-iwi' na bansa Belento na Tumpu-Nyo.

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

YESAYA 11:4

Mian anu kasiasi adin hondo na ia montantukan kaputusannyo, mian anu madi' monsumbu' apa-apaa na ulusan nu tinjohi ka' madi'; kopikilan tageo' hi mian aijo'; mian anu kokasala'an obee'i hukuman, mohongo palentahnyo, mian anu ma'idek na kinyonyoanyo nu patei.

MATIUS 24:22

De Tumpu madi' mompokodo' tempo'nyo; saba' madi' ko samian pe'e anu salamat. Panyo kalana mian, anu palesayamo hi Ia Tumpu, nompokodo'mo tempo'nyo aijo'.

YOHANES 19:22

Panyo i Pilatus nontaami, “Anu tinuliskumo, tataap o potulis.”

ROMA 9:17

Kalana i Kitab nu Tumpu tinulis, “Tumpu notatae hi Tomundo' nu Mesir, ‘Aku mompotimbali beleyum Tomundo' ola sa'angu' na kahanda' aiya, da kalana beleyum, Aku mompotoa kuasang-Ku, ka' mompotimbali sanggong-Ku talasanggo i songko-songko na dunia.’ ”

ANU PINOTO'I HI YOHANES 11:18

To mia-mian anu madi' monsumbu' Tumpu, noto'idekmo kalana tinokamo na tempo'nyo na Kita mompobuntumo pusa-nTo, ka' mule' tempo'nyomo na Kita momputusimo palakala nu to mia-mian anu i natemo. Aiyamo na tempo'nyo mombee'imo tamboonyo hi to posa-posaihon-To, aijo'mo to nabi-nabi. Ka' iwi-iwi' na mian-To anu pinalesayamo, aijo'mo iwi-iwi' na mian anu monsombah Kita, daka' maupe'e ise'. Aiyamo na tempo'nyo mohopu'imo to mia-mian anu nongideimo dunia!”