MAZMUR 75:4 - KITAB NU TUMPU ALLA LELE MA'IMAI'

⁴ Bisuannyo tano' tiba iwi-iwi' na anu jojoong i unonyo gayu'anmo Aku na mompo'ule' mompohoson ohi'nyo iwi-iwi'.”

MAZMUR 75:4 ပူးပေါင်းရင်းမြစ်များ

MAZMUR 148:14

Ia nompohosonmo bansa-Nyo, sahingga Ia lewa'mo nupuji' nu mian anu pinalesayamo hi Ia, Israel, mian anu nu kalibosi. Opuji' na Tumpu!

MAZMUR 68:3

Tumpu nolaa'mo aha, sumomo tibuk pinuhakonmo nu mombun ka' madi'mo tinoatoa. Sumomo tahu' i noe'mo kalana napanasmo nu apu sumomo aitu na mian anu ma'idek na kinyonyoanyo madi'mo otoa-toa i ahop nu Tumpu.

MAZMUR 89:17

Sansina-sinaa aha sanang na kinyonyoanyo ka' sabole-boleh palesaya, kalana kanonongan nu Belento.

MAZMUR 94:8

O, bansangku, boli ponga' susumo aijo', saba' ogunakon ahi' na pikilan nu beleyum!

MAZMUR 97:5

Iwi-iwi' na bungkutnyo inoe'mo susumo tahu' i ahop nu Tumpu, i ahop nu Tumpu anu mongkuasai songko-songko na dunia.

AMSAL 1:22

“O to mia-mian anu panggaga! Sampe toka hipian na kopinnyo na belemiu me saja' sumo aijo'. Hipianje na tempo'nyo belemiu madi'mo montee ilimu' ka' montulutimo pangajalan?

AMSAL 8:5

Belemiu ma'isa ko anu opisumbu-sumbu', balagulu' pe'e da kopikilan ahi' anu matajom, belemiu anu madi' sampa mangalati' balagulu' pe'e da timbali pande.

AMSAL 9:6

Tibahakonmo na kaponga'an da beleyum tumuu' bilahi. Otuluti na jalan nu mian anu pande.”

ZAKHARIA 1:21

Pinokilawangkumo, “Apaa na kahanda'nu aha toka mae aiya?” Tinaamannyo, “Da mombau kahengge'an ka' mompatundu'mo aha to bansang-bansang anu nohansunimo Yehuda ka' mule' nomposungkehetmo mian anu jojoong ikiijo'.”

1 SAMUEL 2:8

I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.