MAZMUR 74:8 - KITAB NU TUMPU ALLA LELE MA'IMAI'

⁸ Aha kahanda'mo, mompatundu' kami ingko-ingkot, ka' mompapuimo iwi-iwi' na tampat anu bau ponsomban Tumpu i lipu' aiya.

MAZMUR 74:8 ပူးပေါင်းရင်းမြစ်များ

2 TOMU-TOMUNDO' 2:3

Pa' aha sangkuka na nabi anu jojoong i kiijo' nambamo nonsingkaboti i Elisa, ka' nompokilawa, “Pa' ma'isa sinumbu' nu beleyum na tuan nu beleyum, sinaa aiya mompala'imo beleyum kalana nu hangkatmo nu Tumpu?” “Memang sinumbu'kumo,” na koonyo i Elisa. “Panyo bakasmo bolimo kita mombisalakon han aijo'.”

2 TOMU-TOMUNDO' 2:5

Pa' aha sangkuka na nabi anu jojoong i kiijo' nambamo mae nonsingkaboti i Elisa ka' nompokilawa, “Pa' ma'isa sinumbu' nu beleyum na tuan nu beleyum nu hangkatmo nu Tumpu Allah ka' mompala'imo beleyum?” “Memang sinumbu'kumo panyo bolimo kita mombisalakon han aijo'.”

2 TOMU-TOMUNDO' 4:23

“Kadaka' sabole-bole mamba uuka aiya?” na koonyo nu langkai'nyo. “Sinaa aiya misa' sinaa nu Sabat ka' mule' misa' sinaa molame'akon Bitu'on Bu'ou.” “Madi' mongkuka,” na koonyo.

2 TAWARIKH 17:9

Aha namba noyaya nomboamo kitab Atula nu Tumpu nu aha, binoa i iwi-iwi' na kota i da'erah Yehuda ka' nompogulu'mo mian da'isan kiijo' mae.

MAZMUR 137:7

O, Tumpu, o'inau' apaa na anu binaumo nu mian Edom tempo'nyo Yerusalem i hopu'anmo. Tinaloakonmo nu aha, “Hobo'akonmo, hobo'akonmo toka-toka i pinaningkokoannyo!”

MAZMUR 83:4

Aha nombaumo tanga'an anu ma'idek da o'ewamo na mian anu palesayamo hi Belento; ka' nonsale'akonmo da o'ewamo na to mia-mian anu nujagai nu Belento.

MAZMUR 83:5

Aha notataemo, “Imbo' da osilakaimo iwi-iwi' na bansa Israel, da sanggo nu aha madi'mo daagi' o'inau'.”

MATIUS 4:23

I Galilea, i Yesus nonsongkohi iwi-iwi' na lipu' ka' nongajan i laigan pogalejaan. Ia nompolele Lele Ma'ima' tukoonyo Tumpu tionyo mompalentah. Ka' Ia mule' nompa'alin to mia-mian anu masakit ka' anu madi' sampa' na butongnyo.