MAZMUR 74:4 - KITAB NU TUMPU ALLA LELE MA'IMAI'

⁴ Anu monsampobali' mae Belento lewa'mo, nolo ais i laigan nu Belento, ka' lewa'mo nompototoni bandela' i kiijo' salaku bau pontandai aha inguntungmo na nahampate.

MAZMUR 74:4 ပူးပေါင်းရင်းမြစ်များ

2 TAWARIKH 36:17

Tumpu nompotuka'mo kinyonyoa i tomundo Babel da montumbuhimo aha. Tomundo aijo' nompateimo mian nu Yehuda anu toto oli-olitau ka' toto lalangkoyang tibamo aha anu kiijo' i Laigan nu Tumpu. Mau pe'e samian madi' ko anu kinalibosannyo, mau anu langkai'mo ka' bengkele'mo, kabai anu daagi' olitau ka' langkoyang, to momo'ane kabai to boboune, anu masakit kabai anu madi' masakit. Aha iwi-iwi' binee'mo nu Tumpu Allah hi tomundo Babel.

MOHAANGI 2:7

Tumpu madi'mo nontalima mezbah-Nyo anu susi-susi' aijo' ka' nompala'imo Laigan-Nyo; pinojohok-Nyomo na sampobali' nohobo'akon pagannyo mesen iwi-iwi'. Itampat naipuan mae pogalejaan ka' mombau-bauon, sampobali' lewa'mo nolo ais kalana inguntungmo na nahampate.

DANIEL 6:27

Ku palentahkon hi iwi-iwi' mian anu jojoong i kalaja'anku da mabuhuk ka' moholomati Tumpu anu nu sombah i Daniel! Ia atina'mo na Tumpu anu tumuu' sampe toka sidu-sidutu', sampe toka isinaa kakiamatan na Ia mompalentah. Kalaja'an-Nyo sabole-bole totinjo. Kakuasa'an-Nyo madi' ko kamingkotannyo.

NOMBILANGMO 2:2

“De mian nu Israel mompotinjomo kemah bau kajojoongan nu aha, toto samian tionyo ahi' mombau kemah montikubi bandela' nu aha salaku tanda posa'angu'an nu aha ka' opokonai tanda ponsumbu'an tulunannyo. Iwi-iwi' na kemah nu aha haha aijo' tionyo ahi' obau montikubi Kemah-Ku, panyo gagana' opojo'on sangkiding i Kemah-Ku.”

MATIUS 24:15

“Komiu montoaje ‘Ka'idekan anu monsilakai,’ sumo anu tinaloakonmo i Nabi Daniel, tinuminjo i tampat anu Susi'. (Tulisan toka hi topo anu mombasa': Palahatikan apaa na alati'nyo!)

LUKAS 13:1

Tempo'nyo aijo' mian nonsisikmo hi Yesus mongkona aha sangkuka na mian nu Galilea anu pinatean i Pilatus, hau-haunyo aha monsombahkon koloban hi Tumpu.

LUKAS 21:20

“De otoa miu na Yerusalem nutumbuhimo nu suludadu, osumbu'mo miu taalu' madi'mo pin kota aijo' o ideimo.

ANU PINOTO'I HI YOHANES 13:6

Lantas ia montampu'unimo mompopo'ise' Tumpu, ka' sanggo nu Tumpu. Sumo aitu mule' tampat kajojoongan nu Tumpu Allah, ka' iwi-iwi' na anu jojoong i suluga' suele pinopo'ise'nyomo.