MAZMUR 74:3 - KITAB NU TUMPU ALLA LELE MA'IMAI'

³ Mamba mae toakon na tampat anu nohobo-hobo'mo; iwi-iwi' na anu i laigan nu Belento i hansuhanmo nu sampobali'.

MAZMUR 74:3 ပူးပေါင်းရင်းမြစ်များ

2 TOMU-TOMUNDO' 25:9

I Nebuzaradan nompapumo Laigan nu Tumpu, laigan nu tomundo' ka' laigan iwi-iwi' nu to mia-mian anu talasanggo i Yerusalem.

NEHEMIA 1:3

Aha nonsisikmo tukoonyo nu aha mian haha aijo' anu toho'mo binoa i Babel panyo ninsusule'mo mae i tano' kinahampean nu aha aijo', tempo' uuka aiya tumuu' sansala ka' saja'mo nu popoambang nu bansa sangga'at anu i salipu'an, anu kiijo' mompaha ohani tiba aha. Pakalaus mule' pagan mesen nu kota' Yerusalem daagi' hondo ma'idek ka' nosungke-sungkehetmo ka' iwi-iwi na tumbannyo anu toto daka-daka' ma'isa ahi' pinokopianan salatanmo pe'e pinapuan tempo'nyo naipuan mae.

NEHEMIA 2:13

Daagi' pihi-pihi, tempo'nyo aitu kami nompala'imo kota' notulu Sabatan Daka' Bangka'nyo sasu Kinsoban. Kami nambamo nompatui sasu Salatan, nokiijo' i Sabatan Daka' Duhehe montulu Mata nu Uee Naga. Kami i lumajang aijo' lewa'mo pinalesangku na anu singkapmo na'idek na pagan mesen nu kota' ka' mule' tinoangkumo na sabatan daka' iwi-iwi' anu pinapuanmo nu apu.

NEHEMIA 2:3

Aku tinolokengkengmo, lantas tinaamankumo, “Tumuu'akon na belento Tomundo' sampe toka sidu-sidutu'! Mosia sampe aku susa' na kinyonyoangku, kalana kota' tampat pinolamunan mompolee'ku tempo' uuka aiya tampatnyo notoyo'mo ka' sabatan kiijo' anu toto daka-daka' imadi'anmo kalana pinapuanmo nu apu.”

MAZMUR 44:23

Kalana Belento kami saja'mo opopobuhuk mae nu kapatean, ka' opojadimo susumo domba anu okolotmo.

MAZMUR 44:26

kami nohintutumo nanabu' itano' natibandangmo i abu' kalana kinalamo.

MAZMUR 79:1

Mazmur i Asaf. O Tumpu Allah, bansa anu madi' monsumbu'i Belento nonjojoongimo tano' pusaka' nu Belento. Aha nongkotonimo Laigan nu Belento, Yerusalem binaumo tambulan nu anu singkapmo na'idek.

YESAYA 10:6

Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

YESAYA 25:10

Nu jagaimo nu Tumpu na Puge'nyo nu Sion, panyo Moab opahampeja'akonmo susumo hat itampat nu duhehe.

YESAYA 61:4

Aha mombaumo to kota-kota' anu pininmo na na'idek ka' mompotinjomo tampat-tampat anu pininmo na i liing.

YEREMIA 52:13

I Nebuzaradan nompapumo Laigan nu Tumpu, laigan nu tomundo' tiba laigan iwi-iwi' nu aha mian anu talasanggo i Yerusalem.

MOHAANGI 1:10

Iwi-iwi' na halata'nyo ingagoanmo nu sampobali'nyo. Ia me montoa aha mompinsoopi Laigan nu Tumpu Allah, sa'angu' na kalakuan anu madi' nupobee' nu Tumpu hi mian anu ma'isa palesaya hi Ia.

DANIEL 11:31

Lantas ia mompalentahmo tompukan-tompukan nu suludadu anu mohumimi'i Laigan nu Tumpu. Aha madi'mo mompobee' koloban anu sansina-sinaa osombahkon ka' mule' mongatunmo anu okaideki osa-osanggohi palabuatan anu Ma'idek ka' bisa monsaduakon kahansunan.

DANIEL 9:17

O, Tumpu mami potombihingakon pe'e mae na do'a ka' mule' anu ku kakase. Po'ule'akon mae da ma'ima' na laigan nu Belento anu i hansunmo aijo', po ule' pokopianiakon mae da iwi-iwi' na mian monsumbu' talu' Belento Tumpu.

DANIEL 9:27

Tomundo' aijo' mombaumo palajanjian anu mahoson hondo hi aha mian da'isan, kopinnyo popitu' na taun. Toka ipohintonga'an nu taun aijo' nu tewa'mo na mian anu momboa mae koloban tiba palasombahan. Lapas aijo' hahan anu okabuhuk, anu osanggohi; Palabuatan anu ma'idek lewa-lewa' mohansuni opojoongmo i Laigan nu Tumpu ka' mule' ia tataapmo ikiijo' sampe ia anu nompojoong ikiijo' nu tokaimo mae nu kapatean anu titinantukanmo nu Tumpu hi ia.”

MIKHA 1:3

Ia mintatau'mo mae lengkat i kajojoongan-Nyo anu susi' ka' lumajangmo aita' i bawo nu to bungku-bungkutnyo i dunia aiya.

MIKHA 3:12

Kalana palabuatan nu belemiu anu ma'idek aijo', Sion opajekomo susumo ale'. Yerusalem timbalimo tambulan nu laigan anu i hansunmo ka' mule' puge'nyo aita' pipinombauan Laigan nu Tumpu timbalimo alas ka' hemputonmo.

MARKUS 11:17

Lapas aijo' i Yesus nongajanmo to mia-mian i kiijo'. Ia notatae, “I uno nu Kitab nu Tumpu tinulis sumo u'uka: Tumpu notatae, ‘Laiganku osanggohi laigan tampat balado'aan nu iwi-iwi' bansa'.’ Panyo komiu mompotimbali petaa nu tololang!”

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

YOSUA 10:24

ka' binoamo hi Yosua. Lantas i lagamo i Yosua iwi-iwi' na aha mian nu Israel da sihuk, lapas aijo' nompalentahkonmo da iwi-iwi' na kapala nu suludadu anu namba nahampate tiba ia toka mae mompahampeja'akon gogohong nu tomundo haha aijo'.

ANU PINOTO'I HI YOHANES 11:2

Panyo boli mombobati natannyo i sasu sambiha'nyo nu Laigan nu Tumpu aijo', kalana bahagian aijo' binee'mo hi to mia-mian anu madi' monsumbu' Tumpu. Ahamo na mompahampeja'akon kota anu susi' aijo' patompulu' ka' ohua' na bitu'on na kopinnyo.