MAZMUR 74:20 - KITAB NU TUMPU ALLA LELE MA'IMAI'

²⁰ Boli okolilimi na palajanjian nu Belento hi kami kalana mian anu taha-tahahumo na singgi mombau apa-apaa, iyaya mae na tampat anu madi' osumbu' i lipu' aiya.

MAZMUR 74:20 ပူးပေါင်းရင်းမြစ်များ

2 SAMUEL 23:5

Sumo aijo'mo na lee'ku anu nu balakatimo nu Tumpu Allah, Palajanjian-Nyo hi belengku madi'mo mongabali' anu jinanji'-Nyomo aijo sampe toka sidu-sidutu' ka' madi'mo ko anu kulangnyo iwi-iwi' ta atun hondo. Tumpu Allah na montantukan ka untunganku mahampate ka' mombee'mae iwi-iwi' apaa na anu nu kahanda'i nu kinyonyoangku.

MAZMUR 105:8

Ia madi' mongkolilimi apaa na anu jinanji'-Nyomo anu jinanji'nyomo opake sampe toka sidu-sidutu'.

MAZMUR 106:45

Kalana nonginau' aha, ia tinonginau'mo i palajanjian-Nyo ka' nongkalibosimo aha kalana daka' hondo na kalibosan-Nyo.

MAZMUR 5:8

Panyo kalana talalo hondo Belento mongkalibosi, aku timbali minsoop i uno nu Laigan nu Belento. Aku tolodadupu monsombah mongahopi Laigan nu Belento anu susi', ka' ku sombah na Belento kalana talalo ku angga'i.

MAZMUR 89:28

Ku potimbalimo na ia ana-Ku mo'ane anu tumpenyo, anu talalo hondo talasanggo hi aha to tomu-tomundo' iwi-iwi'.

MAZMUR 89:39

Panyo uuka aiya Belento nontambuha'imo i tomundo, Belento nompojohokmo ka' madi'mo nongkali-kalinga mian anu pinile'anmo nu Belento.

YEREMIA 14:21

Inau' na palajanjian nu Belento, boli mae o ambangi nu Belento na kami; palajanjian nu Belento tiba kami boli ahi' madi' opotimbali nu Belento. Yerusalem tampat kasuhangan nu Belento anu talasanggo hondo boli ahi' o ambangi nu Belento.

PO'ULE' INGULIT 12:31

Mosia na bansa haha aijo' monsombah to pilo-pilogot nu aha, boli otiho nu belemiu, na aijo' sahingga belemiu mombaumo sumo aijo' na monsombah Tumpu Allah nu belemiu, kalana de aha monsombahmo saba' mombaumo palabuatan anu toto ide-idek anu nunuka'ideki nu Tumpu. To ana-anak pe'e nu aha nopotunu nu aha i mezbah salaku bau koloban hi to pilo-pilogot nu aha.

PO'ULE' INGULIT 9:27

Inau'akon pe'e na to posa-posaihon nu Belento i Abraham, i Ishak ka' i Yakub, ka' boli mompalahatikan aha talalo hondo panggaga, ka'idekan ka' dosa' nu bansa aiya.

IBRANI 8:10

Panyo uuka aiya, aiyamo na palajanjian anu Ku baumo tiba mian nu Israel, i sina-sinaa anu tokaje mae, koonyo nu Tumpu: Aku monguna'mo atulan-Ku i uno nu pikilan nu aha, ka' montulismo i kinyonyoa nu aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.