MAZMUR 74:18 - KITAB NU TUMPU ALLA LELE MA'IMAI'

¹⁸ Inau'akon mae mosia na anu monsampobali' mae kami nongalumo Belento, o, Tumpu, bansa anu madi' monsumbu' Belento nompisala'imo sanggo nu Belento.

MAZMUR 74:18 ပူးပေါင်းရင်းမြစ်များ

2 TOMU-TOMUNDO' 19:4

Tomundo' Asyur nonsaimo mae samian na suludadu anu matangkas na pangkatnyo da mompopo ambang Tumpu Allah anu tumuu'. Ihe na monsumbu' Tumpu Allah nu belemiu nohongomo pinompopo'ambang aijo' ka' mohukumo aha anu nontaeakon! Kalana aijo' do'akonmo hi Tumpu Allah na mianto haha aijo' anu daagi' tutuu'.”

2 TAWARIKH 32:19

Aha montaloakon sumo aijo' au' aitu Tumpu Allah anu osombah i Yerusalem pokakana susumo to pilo-pilogot nu bansa sangga'at aijo'mo to pato-patong anu nubau nu manusia.

MAZMUR 137:7

O, Tumpu, o'inau' apaa na anu binaumo nu mian Edom tempo'nyo Yerusalem i hopu'anmo. Tinaloakonmo nu aha, “Hobo'akonmo, hobo'akonmo toka-toka i pinaningkokoannyo!”

MAZMUR 39:8

Uuka aiya apaa na ku tanda'i, o Tumpu? Olamo ahi' Belento na ku taha'imani.

MAZMUR 41:1

Anu mongkapalai panyanyi. Mazmur i Daud.

MAZMUR 74:22

Pobungkutmo mae o, Tumpu, tinjohi mae na palakala nu Belento! Kalana sansina-sinaa saja' o'alu na Belento nu to mia-mian anu madi' palesayamo hi Belento.

MOHAANGI 5:1

Inau' pe'e mae, o Tumpu, apaa na anu jinadimo aiya hi kami. Toa mae na kami, ka' tonto'i mae na kahina'an mami.

YEHEZKIEL 20:14

Panyo aijo' madi' binaung-Ku kalana monginau' kaholomatan nu sanggong-Ku, da sanggong-Ku boli mae o'alu nu to bansa-bansa anu nontoa mae Aku nomboa mae aha Israel nosabat lengkat mae i Mesir.

YEHEZKIEL 35:13

O bansa Edom, belemiu manjoo' na potatae, ka' motatae buulon hi beleng-Ku. Iwi-iwi' aijo' ihongong-Kumo.

PO'ULE' INGULIT 32:27

Panyo aku madi' mongka'oho' sampobali' nu aha Israel kobubuunmo; boli-boli aha sala' na monsangka ka' notatae tukoonyo nu aha, ahamo na nohungku'i mian anu pinalesayamo hi beleng-Ku,’ padahan Aku ahi' na nombaumo han aijo'.”

PO'ULE' INGULIT 32:6

Te sumo aijo' na belemiu mombalosi kanonongan nu Tumpu, o to mia-mian anu pinonga'mo ka' madi'mo ko utoknyo? Te misa' Iamo aijo' na Tuuma nu belemiu, anu Nompotimbalimo belemiu, anu nompojadimo belemiu sa'angu' na bansa?

ANU PINOTO'I HI YOHANES 16:19

Kota anu daka' aijo' nobagi-bagimo tinimbalimo totolu' na bahagian, ka' i nohopu'mo suele na to kota-kota, iwi-iwi' na negara i dunia aiya. Lantas Tumpu tinonginau'mo hi Babel anu daka' aijo'. Saba' Tumpu nompo'inummo anggur anu aijo' i tampat pinongisian anggur nu Tumpu – aijo'mo anggur pusa-Nyo anu tahahumo hondo.