MAZMUR 74:15 - KITAB NU TUMPU ALLA LELE MA'IMAI'

¹⁵ Belento nompotimbalimo da mata nu uee ka' kaunyo mo'ili; kaunyo anu daka' pinotimbalimo nu Belento da no'oti.

MAZMUR 74:15 ပူးပေါင်းရင်းမြစ်များ

2 TOMU-TOMUNDO' 2:14

lantas sinapahakonnyomo na juba' i Elia aijo' i uee ka' notatae, “Iyamo mae na Tumpu, Tumpu Allah i Elia aijo'?” Salatan sinapahakonnyomo na juba' aijo' i uee nu kaunyo aijo' ueenyo ai-aijo' nobagimo ohua' lantas ia i lumajangmo nokiijo' i santoanyo.

2 TOMU-TOMUNDO' 2:8

I Elia nongukatmo juba'nyo lantas kinumukumnnyomo ka' sinapahakonnyomo i kaunyo aijo'. Sahingga uee nu kaunyo aijo' nobagimo ohua', jadi ia tiba i Elisa jinumalanmo i lananyo anu no'otimo aijo'.

MAZMUR 105:41

Biniha'-Nyo na bungkutnyo nu batu sahingga tinolotimbimo mae na uee, anu no'ilimo susumo kaunyo i tampat padang anu mateges na tano'nyo.

MAZMUR 114:3

Ambai Gelagah nontoamo-Ia lantas nopalaimo, Kaunyo nu Yordan madi'mo no ili.

MAZMUR 78:15

Ia nombiha'mo bungkutnyo nu batu i tampat padang anu mateges, ka' pino'inumanmo na aha sampe nolabi-labimo.

YESAYA 11:16

Kona hi aha mian anu palesayamo hi Ia dadaagi' tinasisa mae tabuka'mo na jalan daka' da posabatan mae lengkat i Asyur, susumo aha Israel nosabatmo mae lengkat i Mesir.

YESAYA 44:27

Akumo na notatae hi lananyo nu ambai: Tolotutusmo na oko! Aku kahanda'mo mongotii iwi-iwi na kaunyo nu beleyum.

YESAYA 48:21

Maumo ahi' Ia nompotiju'mo aha nontulu mae padang tampat anu kinunmo, aha madi' ahi' sinansala nu megot. Tumpu nombiha'mo bungkutnyo nu batu ka' nompolubatmo mae uee, lengkat mae aijo' ibatu pinolubat-Nyomo mae na uee bau kapalaluan nu aha.

HABAKUK 3:9

Pompana' nu Belento pinosadiamo nu Belento, hihisnyo nu pana' nu Beleyum memompana'akon. Lantas dunia biniha'mo nu Belento, tinimbalimo na kaunyo-kaunyo.

NOMBILANGMO 20:11

Lantas i Musa nohangkatmo tokon aijo' ka' nonsapahi bungkutnyo nu batu aijo' pininduan. Sahingga i lubatmo mae na uee mabohos hondo, sahingga mian iwi-iwi' ka' potuu'on nu aha nonginumo.

YOSUA 2:10

Ihongomo mami na lelenyo mosia na Tumpu nompoti'i Ambai Gelagah i ahop nu belemiu, tempo'nyo belemiu nompala'imo mae Mesir. Kami mule' nohongomo mosia na belemiu nompateimo i Sihon ka' i Og, ua'aha na tomundo nu aha bansa Amori aijo' i sasu kabete'an Kaunyo nu Yordan.

ANU PINOTO'I HI YOHANES 16:12

Lapas aijo' malaikat ko anomnyo nombubusakonmo isi nu tampat aijo' i Kaunyo nu Efrat anu daka' aijo'. Jadi kaunyo aijo' noti'imo sahingga to tomu-tomundo anu lengkat mae i sasu kabete'an noko alamo i lumajang nontulu i kiijo'.