MAZMUR 74:1 - KITAB NU TUMPU ALLA LELE MA'IMAI'

¹ Nyanyian pangajalan i Asaf. O, Tumpu, pa' sidu-sidutu'mo na Belento mompala'i kami? Kadaka' sampamo, montambuha'i na Belento posi mian nu Belento anu palesayamo hi Belento?

MAZMUR 74:1 ပူးပေါင်းရင်းမြစ်များ

2 TOMU-TOMUNDO' 21:14

Mian anu daagi' jojoong i kiijo' Ku pojohokmo da timbali kaanon nu to bansa-bansa anu kahanda' mongewa ia, anu mompatundu'mo aha, ka' mompahahuhuakonmo lipu' nu aha.

MAZMUR 10:1

Kadaka' Belento najo'onmo, o Tumpu, ka' natisulukmo tempo'nyo kami tinokanmo nu kasusa'an?

MAZMUR 100:3

Boli okolilimi kalana Tumpu aijo', Tumpu. Ia na nompotimbali kita ka' kita aiya Ia na tumpu-Nyo; kita mian anu palesayamo hi Ia, bansa anu pinotuu'-Nyomo.

MAZMUR 18:8

Lantas tano' ginayu'anmo ka' ginenggohanmo, pu'un nu bungkutnyo iwi-iwi' tinolohenggomo ka' ilangkakatanmo kalana Tumpu notambuha'mo.

MAZMUR 42:11

Kinyonyoangku nohintutumo hondo kalana sola'mo mae nu kokojoi nu sampobali', Aha saja'mo mae mompokilawa, “Iyamo mae na Tumpu nu beleyum?”

MAZMUR 42:9

O'amalakon da Tumpu mompotoa mae kalibosan-Nyo de sinaamo, sahingga de malomo aku manyanyimo, ka' balado'amo hi Tumpu anu pinolengkatan mae nu kantumuu'anku.

MAZMUR 44:9

Sahingga kami saja'mo mompopodaka' Belento ka' saja'mo montalima kaseh hi Belento.

MAZMUR 50:1

Mazmur i Asaf. O Tumpu, Tumpu Anu Balakuasa hondo, notataemo; Ia nompoto'imo hi songko-songko na dunia lengkat pe'e mae ikabete'an sampe tinoka toka i sasu kinsoban.

MAZMUR 60:1

Anu mongkapalai panyanyi. Ingala i lagu nu nyanyian: Bunga bakung na bau sakisi. Mazmur bau pangajalan lengkat hi Daud,

MAZMUR 60:10

Panyo Moab baumo tampat pombaso'ian-Ku tengke; Aku montaligalaimo kalana nompatundu'mo Filistea. Hi aha Edom Ku lumbu'akonmo mokiijo' na sapatung-Ku salaku tanda saba' ia aijo' Akumo na tumpu-Nyo.”

MAZMUR 77:7

De pihimo sola'mo ku potutugakon, ka' lewa' ogogisa' i uno nu kinyonyoa.

MAZMUR 77:8

“Pa' toka-tokamo sidu-sidutu' na Tumpu madi'mo mae monginau' ka' madi'mo daagi montalima?

MAZMUR 78:1

Nyanyian pangajalan i Asaf. Potombihing mae na pangajalanku, o, to bansa-bansangku, palahatikan mae na potataengku.

MAZMUR 79:13

Sahingga kami mian anu palesayamo hi Belento, domba anu, nulaya' nu Belento montalima kasemo hi Belento sampe toka sidu-sidutu', ka' mompuji'mo Belento sampe molundu-lundu na tulunan.

MAZMUR 79:5

O, Tumpu, sampemo toka sidu-sidutu' na Belento motambuha' ka' kinyonyoa nu Belento anu saja' madi' sanang hi kami sabole-bolehmo mook susumo apu?

MAZMUR 80:5

O, Tumpu Anu Daka' na Kuasa-Nyo, sampe toka hipian na kopinnyo na Belento motambuha', maumo mian anu palesayamo hi Belento balado'amo?

MAZMUR 85:6

Pa' sidu-sidutu'mo na belento montambuha'i mae kami, ka' sabole-bolemo motambuha' sampe molundu-lundu na tulunan?

MAZMUR 95:7

Kalana Iamo na Tumpunto, kita mian anu, Nu potuu' susumo domba anu lewa' Nu laya'. Sinaa uuka aiya potombihing mae na potatae-Nyo:

NOSABATMO 32:11

I Musa nongkakasemo hi Tumpu Allahnyo, ia notatae, “O Tumpu kadaka' Belento mombaumo sumo aijo' hi aha? Te misa' Belento nomposalamatmo aha lengkat mae i Mesir nu kakuasa'an ka' kahosonan anu daka'?

YESAYA 64:8

Panyo Belentomo ahi' na Tuuma mami, kami tano' ponto na pinotimbali, ka' Belentomo ahi' na nontali' ka' Belento na nompotimbali.

YEREMIA 23:1

Tumpu Allah nu Israel notataemo, “Silakamo na belemiu o to pola-polaya' anu nonsilakaimo ka' nongga'a-ga'atakonmo mian anu palesayamo hi beleng-Ku! Belemiu sabenannyo ahi' monjagai mian anu palesayamo hi beleng-Ku, panyo madi' ahi' binau nu belemiu; belemiu nompojohokmo nosungkehet ka' nalaimo. Uuka aiya Ku hukumo na belemiu kalana belemiu nombaumo palabuatan anu ma'idek.

YEREMIA 31:37

De maluanyo ka kaminsanannyo aita' langit timbali o ukun mokiita', ka' lananyo nu tano' opoko alamo oselidiki saba' tempo'nyoje ahi' aijo' na Israel madi'mo Ku ala. Kalana iwi-iwi' na palabuatan nu aha ma'i-ma'idek aijo'. Aku, Tumpu notataemo.”

MOHAANGI 5:22

Kabai o madi'mo Nu ala na kami totu-totu'u? Madi'mo ko batasnyo na kapusan nu Belento hi kami?

YEHEZKIEL 34:31

Memang totu'u belemiumo na tompukan nu dombang-Ku anu Ku bee'i mongkaan. Belemiu atina'mo na mian anu palesayamo hi beleng-Ku, ka' mule' Aku, Tumpu nu belemiu. Aku, Tumpu Anu Matangkas na Kuasanyo notataemo.”

YEHEZKIEL 34:8

Atas sanggong-Ku Tumpu Allah anu tumuu' palahatikan ahi'! Dombang-Ku haha aijo' sina'umo ka' mule' kinaanmo nu binatang anu mahangas, kalana madi' ko anu nolaya' aha. Belemiu to pola-polaya'-Ku madi'mo nongkalesang domba haha aijo'. Belemiu ola ahi' mompotutugakon posi butong nu belemiu, misa'mo kapentingan nu domba haha aijo'.

LUKAS 12:32

“Komiu anu ola sangkiding na konjoo'nyo, boli mabuhuk! Kalana Tuumaum sanang mombee' hi beleyum balakat lengkat mae i Kapalentahan-Nyo.

PO'ULE' INGULIT 29:20

Tumpu madi' mongampuni mian anu susumo aijo'. Panyo ola ahi' mohumpakmo tambuha' nu Tumpu anu taha-tahahumo, ka' iwi-iwi' na balaa' anu tinulismo i kitab aiya mongkonamo ia, sahingga ia nupateimo nu Tumpu.