MAZMUR 73:3 - KITAB NU TUMPU ALLA LELE MA'IMAI'

³ kalana aku nongka'idekimo mian anu saja' takabun, salatan aku nontoamo mian anu ma'idek na kinyonyoanyo nohumpakmo dale'.

MAZMUR 73:3 ပူးပေါင်းရင်းမြစ်များ

AYUB 12:6

Panyo kantumuu'an nu mian anu saja' batololang, madi' mongoa'i kasusa'an; mian anu baani na monggagakon Tumpu Allah, kantumuu'annyo sanang madi'ko anu mompoposia. Padahan aha ola taha'iman hi pilogot, ola posi kahosonan nu butong.

AYUB 17:8

Mian anu bala'iman, tinolokengkengmo ka' binangangmo; mian anu madi' ko kasala'annyo, nonsangkamo aku madi' palesaya hi Tumpu.

AYUB 21:7

Kadaka' mian anu ma'idek na kinyonyoanyo nupotumuu' nu Tumpu Allah pipin, ka' halata' nu aha ola kopintu-pintuangnyo?

AYUB 24:23

Tumpu Allah nombee'imo ia kantumuu'an anu ma'ima', panyo sabole-bole saja' nu potomatakon.

MAZMUR 10:5

Mian anu ma'idek na kinyonyoanyo de mombaumo apa-apaa nu humpak na hasinnyo; ia madi' mangalati' kabai monsumbu' atulan nu Tumpu ka' madi' mompajuli iwi-iwi' na anu mongewa mae ia.

MAZMUR 37:1

Mazmur i Daud. Boli bata-bata kalana palabuatan nu mian anu ma'idek na kinyonyoanyo boli pusa hi mian anu nombaumo palabuatan anu sala'.

MAZMUR 37:7

Tanda'imo na Tumpu nu kinyonyoa anu saban popea' nu kasabanan, Iaje ahi' na montindaki. Boli bata-bata kalana mian anu kinohasinnyomo i uno nu kantumuu'annyo kabai anu nombaumo palabuatan sola mongakali.

AMSAL 23:17

Boli mongka'ideki mian anu baladosa'. Saja' o tuluti na Tumpu Allah,

AMSAL 24:1

Boli mongka'ideki mian anu ma'idek na kinyonyoanyo ka' boli mongka'ima'i mosangalu tiba aha.

AMSAL 3:31

Boli ma'idekan na kinyonyoa hi miana nu talalo mompakisa mian, ka' boli montiho kalakuan nu aha.

ANU MOMPOLELE POTATAE NU TUMPU 7:15

Kantumuu'anku madi'mo ko gunanyo panyo tempo'nyo aku dagi' tutuu' tinoangku sumo uuka: Toto minsan mian anu ma'idek na gau'nyo na umun panjang maumo ahi' ia saja' mombau dosa'.

YEREMIA 12:1

“De ku poto'i na palakalangku hi Belento, o Tumpu, tantu saidi' mae onyata' je memang ahi' Belento na totu'u. Panyo aku ko kahanda'ahi' mompoto'i hi Belento mongkona han ka adilan: Kadaka' mian anu palabuatannyo ma'idek na mohumpak kantumuu'an ma'ima'? Ka' mule' kadaka' mian anu tageo' na kinyonyoanyo na mohumpak kabilahian?

MALEAKHI 3:15

Pinosi toantomo na to mia-mian anu bulon sanang na kantumuu'an nu aha. Mian anu ma'idek na kalakuannyo misa' ola mompaka kayamo, panyo de aha monguji' kasabalan nu Tumpu nu palabuatan anu ma'idek, aha madi' ahi' nu poposia nu Tumpu.’ ”

YAKOBUS 4:5

Boli monsangka Kitab nu Tumpu notatae madi' ko sababnyo, “I uno nu butongto Tumpu nompojoongmo roh anu madi' opoko gagakon na pongka'oho'nyo.”