MAZMUR 73:25 - KITAB NU TUMPU ALLA LELE MA'IMAI'

²⁵ Ihe na anungku kiita' i suluga', olamo ahi' samata-mata Belento? Madi' ko anu ku ka'ima'i sangga'at i dunia aiya, olamo ahi' samata-mata Belento.

MAZMUR 73:25 ပူးပေါင်းရင်းမြစ်များ

MAZMUR 104:34

O' amalakon da nyanyianku sanang na ia mohongo, kalana Iamo na nompolame' kinyonyoangku.

MAZMUR 16:11

Pinotiju'mo mae nu Belento hi belengku na jalan anu mompanjolongi kantumuu'an; hi Belento na pohumpakanku kalame'an anu taha-tahahumo ka' kabilahian sampe toka sidu-sidutu'.

MAZMUR 16:2

Aku notataemo, “Belentomo na Tumpungku, bau kabilahianku, madi' ko anu molingkudui Belento!”

MAZMUR 16:5

O Tumpu, olamo Belento na anu daagi' aiya hi belengku; Belento na mombee' mae iwi-iwi' anu ku palalui, kantumuu'anku pa' mosia itina' kongko-kongkom i lima nu Belento.

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

MAZMUR 37:4

Lio na kantumuu' anu ma'ima' nu beleyum hi Tumpu, Ia na mompopuas saidi' mae apaa na anu nu kahanda'i nu kinyonyoa nu beleyum.

MAZMUR 43:4

Sahingga aku mompanjolongimo mezbah nu Tumpu, mangadap hi Tumpu anu pinolengkatan mae nu ka'ima'an nu kantumuu'anku. Aku manyanyimo ka' mongkuti'mo kasapi', bau pompuji' Belento, O Tumpu, Tumpungku.

MAZMUR 63:3

Da aku montoa Belento i laigan nu Belento, ka' montoa kahosonan ka' katalasanggoan nu Belento.

MAZMUR 89:6

Sidang nu aha mian nu suluga' nompuji'mo palabuatan nu Belento anu okabangangi, ka' nonyanyiakonmo kanonongan nu Belento o, Tumpu.

MATIUS 10:37

Mian anu mongkalibosi tumanyo kabai tinanyo molingkudui Aku, madi' pantas timbali anu mombatuki Aku. Sumo aitu mule' na mian anu mongkalibosi anaknyo mo'ane kabai boune, molingkudui Aku.

MATIUS 5:8

Bila-bilahi na mian anu molino na kinyonyoanyo; aha monsumbu'je Tumpu!

FILIPI 3:8

Misa' ola hahan anu sinanggomo aijo' panyo ahi' iwi-iwi na apaa kusangka sumo hahan anu ola mompolugi' aku. Anu daagi' hi belengku uuka aiya aijo'mo na lebe ko angga'nyo: aijo' mo monsumbu' i Kristus Yesus, Tumpungku. Kalana i Kristus, sahingga aku nolapasakonmo iwi-iwi na aijo'. Kusangka iwi-iwi' aijo' ola sumo duhehe da timbali ku humpak na i Kristus,

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.