MAZMUR 73:1 - KITAB NU TUMPU ALLA LELE MA'IMAI'

¹ Mazmur i Asaf. Manonong hondo na Tumpu Allah hi mian anu palesayamo hi Ia, ka' mule' hi mian anu kinyonyoanyo hodi'.

MAZMUR 73:1 ပူးပေါင်းရင်းမြစ်များ

1 TAWARIKH 15:17

Aha auwan-auwan anu lewa' manyanyi pinile'anmo nu aha na to mia-mian haha aiya anu mompahaikakon simbal tambaga: i Heman anak i Yo'el tibamo to utu-utusnyo, sanggo nu aha i Asaf anak i Berekya tiba i Etan anak i Kusaya aha mae sa'anakan i Merari. Anu monyanyiakon aha mongkuti' kasapi ka' manyo'a hondo na monyanyiakon, pinile'anmo na to mia-mian nu Lewi, haha aiya: i Zakharia, i Yaaziel, i Semiramot, i Yehiel, i Uni, i Eliab, i Maaseya tiba i Benaya. Anu mongkuti' kasapi onyi'nyo madi' manyo'a pinile'anmo na to mia-mian nu Lewi haha aiya: i Matica, i Elifele, i Mikneye, i Azazya, tiba ua'aha ana anu monjagai Laigan nu Tumpu, aijo'mo i Obed-Edom tiba i Yeiel.

1 TAWARIKH 16:37

Lapas aijo' i Tomundo' Daud nombee'imo i Asaf kalaja ka' to mian-mian sangaa'at aha Lewi anu saja' mongulus de monsombahmo i tampat pompo'una'an Peti' Palajanjian nu Tumpu. Sansina-sinaa aha tionyo ahi' mokalaja i kiijo',

1 TAWARIKH 16:7

Aijo'mo na momonanyo i Daud nombee'imo kalaja i Asaf ka' to sanga-sangalunyo manyanyi bau pompuji-puji' Tumpu.

1 TAWARIKH 6:39

I Asaf kapala u anu manyanyi gombuannyo nu anu ko ohua'nyo. Tatu-tatusannyo nu tundulan nu aha, o tundun sule-sule' sampe tinoka hi Lewi aijo'mo: i Asaf, i Berekya, i Simea,

2 TAWARIKH 29:30

I tomundo ka' to mia-mian anu tasanggo nompokaumo da aha mian nu Lewi monyanyiakon pompuji' Tumpu anu tinulis i tomundo Daud ka' i Nabi Asaf. Iwi-iwi' mian i lame'mo hondo na nonyanyi ka' aha tinolodadupumo ka' nonsombahmo Tumpu Allah.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 24:4

Mian anu madi' ko alunyo na pikilannyo ka' madi' mombau anu ma'idek, anu madi' mimpula-pula basumpa' ka' madi' monsombah pilogot.

MAZMUR 42:11

Kinyonyoangku nohintutumo hondo kalana sola'mo mae nu kokojoi nu sampobali', Aha saja'mo mae mompokilawa, “Iyamo mae na Tumpu nu beleyum?”

MAZMUR 50:1

Mazmur i Asaf. O Tumpu, Tumpu Anu Balakuasa hondo, notataemo; Ia nompoto'imo hi songko-songko na dunia lengkat pe'e mae ikabete'an sampe tinoka toka i sasu kinsoban.

MAZMUR 51:10

Sahanyo aku sola'mo mohongo lele anu lame', da kinyonyoa anu ihansunanmo nu Belento aiya po ule' ahi' montaligalai.

MAZMUR 73:18

Pinojoongmo nu Belento na aha i jalan anu malondo, ka' pinojohokmo nu Belento na aha da silakamo.

MAZMUR 83:1

Sa'angu' na nyanyian. Mazmur i Asaf.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

MATIUS 5:8

Bila-bilahi na mian anu molino na kinyonyoanyo; aha monsumbu'je Tumpu!

LUKAS 12:32

“Komiu anu ola sangkiding na konjoo'nyo, boli mabuhuk! Kalana Tuumaum sanang mombee' hi beleyum balakat lengkat mae i Kapalentahan-Nyo.

YOHANES 1:47

I Yesus nontoa i Natanael tinoka, lantas notatae mongkona ia, “Toa, aijo' mian nu Israel totu-totu'u. Madi' ko baleko'nyo hi ia.”

ROMA 4:16

Jadi janji' nu Tumpu aijo' mimpu'u i palesayanyo nu mian hi Tumpu. Aijo' na timbali sa'angu' bau pintoongan hi iwi-iwi' lee' i Abraham, taalu' janji' aijo' obee' hi aha salaku sa'angu' na taju anu halala' lengkat mae hi Tumpu; misa' ola hi aha anu tulu-tulutan i atulan nu agama Yahudi, panyo suele hi aha anu palesaya hi Tumpu pokakana sumo i Abraham palesaya hi Ia. Kalana i Abraham aijo' tuumanto, kita ingko-ingkot i uno nu kapalesaya'an.

TITUS 3:5

Ia momposalamat kita, misa' kalana kita nombaumo anu ma'ima', panyo kalana Ia ahi' na nongkalibosimo kita. Ia momposalamat kita kalana pakalaja'an nu Roh nu Tumpu, anu nombee'imo kita kantumuu'an bu'ou susumo anu po'ule'mo i hampeakon, ka' kantumuu'an anu bu'ou, aijo'mo kita pinobelesimo.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!