MAZMUR 72:15 - KITAB NU TUMPU ALLA LELE MA'IMAI'

¹⁵ Higahiakon na i tomundo salaku mian daka'! O'amalakon da nusombahkon mae nu aha Arab hi ia na mosoni'. O'amalakon da ia saja' odo'akon sansina-sinaa ka' mule' saja' mohumpak balakat.

MAZMUR 72:15 ပူးပေါင်းရင်းမြစ်များ

1 TOMU-TOMUNDO' 10:10

Lapas aijo' tomundo' boune nu lipu' Syeba nombe'eimo palasen hi Salomo anu binoanyo mae kila-kila 4.000 kilogram na mosoni' ka' suele batu nu mainan manjoo' hondo ka' manjoo'na lampa-lampa. Madi'mo daagi' toho' i Salomo nohumpak manjoo'na lampa-lampa anu sumo aijo' na konjoo'nyo susumo anu bine'eje nu tomundo' boune nu lipu' Syeba hi ia. (

1 TOMU-TOMUNDO' 10:14

Sataun toka sataun i Tomundo' Salomo mohumpak mosoni' mongohanimo 23.000 kilogram,

2 TAWARIKH 9:1

Tomundo boune i lipu' Syeba nohongomo mae lele i Salomo anu tinalasanggomo. Sahingga ia nambamo mae i Yerusalem kahanda' monsobai i Salomo, ia nompokilawa han anu toto maha-mahan. Ia tinoka mae sinangaluan mae nu mian nanjoo' hondo, ka' unta anu pinaha posake'an mae manjoo' hondo na to lampa-lampa, batu mainan, ka' suele mosoni' manjoo' hondo. Salatan siningkabotmo tiba i Salomo, tomundo boune aijo' lewa'mo nompokilawa nga-ngahan nu han anu lewa'mo pinotutugakonnyo.

MAZMUR 21:4

Belento tinokamo hi ia nomboai balakat anu manjoo' hondo, ka' nomposongko'mo makota' mosoni' i ubaknyo.

MAZMUR 45:4

Potakos na bajak nu beleyum ilampeokan o tomundo' anu baani hondo, belento talalo ahi' talasanggo ka' ma'ima' na otoa!

MAZMUR 72:19

Opuji' na sanggo-Nyo anu talasanggo sampe toka sidu-sidutu'; o'amalakon da songko-songko na dunia mobuke nu anu mompotalasanggo Ia! Jadimo mae sumo uuka, Amin!

YESAYA 60:6

Lipu' nu belemiu nu sihukimo nu unta manjoo' hondo aha nolengkat mae i Midian ka' Efa. Mian momboa ame mosoni' tiba kamangian lengkat mae i Syeba, lantas mompuji'mo palabuatan nu Tumpu.

MATIUS 2:11

Aha ninsoop i uno nu laigan aijo', ka' nontoa Anak aijo' tiba i Maria, tina-Nyo. Aha tinolodupu ka' nonsombah Anak aijo', lantas nombukai tampat halata' nu aha, ka' nonsombahkon hi ia mosoni', kamangian, ka' mur.

MATIUS 21:9

Mian da'isan anu ilumajang i moona ka' anu i mihi hi Yesus molo-moloboo', “Tumuu'mo na Anak i Daud! Obalakatiakon na Ia anu tinoka tiba sanggo nu Tumpu! Puji' na Tumpu Anu Matangkas na Kuasanyo!”

MATIUS 6:10

Kitamo na Tomundo' mami. O'amalakon kitamo na mompalentah i dunia ka' kahanda'to o tuluti sumo i suluga'.

YOHANES 11:25

“Akumo na mombee'i kantumuu'an ka' po'ule' mompotumuu' mian mate,” koo-Nyo i Yesus hi Marta, “Mian anu palesaya hi beleng-Ku po'ule' tumuu' mau mule' ia natemo.

YOHANES 14:19

Me sasaingoni' dunia madi'mo montoa Aku. Panyo komiu montoaje Aku. Ka' kalana Aku tumuu', komiu suele tumuu'.

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

FILIPI 2:11

Aha iwi-iwi' mongakuimo taalu' i Yesus Kristusmo na Tumpu; tiba jalan anu sumo aijo' Tumpu Tuumanto opopodaka'mo.

1 TESALONIKA 3:11

O amalakon hi Tumpu Tuumanto ka' Tumpunto, i Yesus mombee'i kasampatan hi kami da singkabot tiba komiu!

2 TIMOTIUS 4:22

O'amalakon da Tumpu saja' monsangalui beleyum. O'amalakon da Tumpunto mombalakati to Utu-utus! Tabea' mami, I Paulus 10

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9

1 YOHANES 1:2

Salatan kantumuu'an aijo' pinonyata'mo, kami nontoamo. Mokonyo aijo' kami nompoto'imo apaa na anu sinakisianmo mami mongkona Ia. Kami nompolelemo hi komiu mongkona kantumuu'an anu totu'u ka' anu toka sampe sidu-sidutu', anu daagi' hingga-hinggat tiba Tuuma, ka' anu pinonyata'mo hi kami.

YUDAS 1:25

Olamo Ia sa'a-sa'angu'nyo na Tumpu anu Momposalamat kita nontului jalan hi Yesus Kristus Tumpunto. Iamo na Tumpu anu talasanggo, opopodaka', mongkuasai ka' anu o'angga'i salatanmo pe'e naipuan mae sampe tempo' uuka aiya ka' sampe toka sidu-sidutu'. Amin. 1

ANU PINOTO'I HI YOHANES 1:18

Akumo na Ia anu tinumuu'mo! Aku sinilakamo, panyo toamo, Aku tumuu'mo sampe toka sidu-sidutu'. Aku mongkuasai kapatean, ka' i dunia nu mian anu i natemo.