MAZMUR 72:14 - KITAB NU TUMPU ALLA LELE MA'IMAI'

¹⁴ Ia mompobebasmo aha da madi'mo lewa' obee'i kasansalan ka' anu saja' opalentah, nusinggi, kalana kantumuu'an nu aha ko angga'nyo hondo hi ia.

MAZMUR 72:14 ပူးပေါင်းရင်းမြစ်များ

KAJADIAN 48:16

Iamo na malaekat anu nonjagaimo mae aku sahingga iwi-iwi' na balaa' madi'mo mompoposia. O'amalakon da Tumpu Allah mombalakati anak haha aiya. O'amalakon da saja' osanggo na sanggongku ka' sanggo i Abraham ka' i Ishak kalana anak haha aiya! O'amalakon da aha mohumpak makumpu, ka' ko lee' manjoo' i dunia aiya.”

2 SAMUEL 23:17

Ia notatae, “O, Tumpu aku madi' timbali monginum uee aiya! De ku inum sumomo aku nonginum baso' nu to mia-mian anu nomboto'akonmo nyawa nu aha!” Jadi i Daud madi' ahi' hondo-hondo nonginum uee aijo'; Aijo'mo na usaha anu binaumo nu aha totolu' na suludadu anu baani hondo haha aijo'.

2 SAMUEL 4:9

Panyo tinaaman i Daud, “Tumpu anu tumuu' anu nomposalamatmo aku, da madi' nohumpak kasilaka'an, na monsumbu' apaa na anu ku taloakon aiya memang totu'u.

MAZMUR 116:15

Tumpu talalo hondo monsusuai kasilakan nu samian na anu Nu kalibosi.

MAZMUR 130:8

Ia mompobebasmo kita da kita madi'mo nukona nu iwi-iwi' na kasala'an.

MAZMUR 25:22

O Tumpu, po'uhanakonmo mae na mian anu palesayamo hi Belento da madi'mo mongoa'i iwi-iwi' na kasansala'annyo.

MAZMUR 69:18

Boli maninsuluk dumo aku posaihon nu Belento aiya madi'mo montoa, kalana aku tinokanmo nu kasusa'an, sampamo mae tulungi na aku.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

ANU PINOTO'I HI YOHANES 17:6

Lantas tinoangkumo taalu' boune aijo' nalangumo nu baso' nu mian anu pinalesayamo hi Tumpu ka' baso' nu to mia-mian anu pinateanmo kalana tulu-tulutan hi Yesus. Salatan aku nontoamo boune aijo', aku kino banga-bangangmo.

ANU PINOTO'I HI YOHANES 19:2

Pomputusi-Nyo palakala adin ka' pande hondo! Ia nomputusimo hukuman hi anu talalo hondo masala', anu nongideimo dunia kalana ia lewa' masala'. Tumpu nohukumo anu masala' aijo', kalana ia nompateimo to posa-posaihon nu Tumpu.”

1 SAMUEL 26:21

Tinaaman i Saul, “Aku nombaumo kasala'an pinsusule'mo Daud, Anaku! Aku madi'mo daagi mombau anu ma'idek hi beleyum kalana beleyum nohalala'akonmo aku sinampahu na utu. Kalakuanku memang pinonga'mo. Aku totu-totu'u sinala'mo!”